Salmo 110:1-7
Salmo ni David.
110 Si Jehova miingon sa akong Ginoo:
“Lingkod sa akong tuong kamot+Hangtod nga ibutang nako ang imong mga kaaway ingong tumbanan sa imong mga tiil.”+
2 Ituy-od ni Jehova ang setro sa imong gahom gikan sa Zion, nga moingon:
“Pagpangdaog taliwala sa imong mga kaaway.”+
3 Ang imong katawhan kinabubut-ong magtanyag sa ilang kaugalingon sa adlaw nga tigomon nimo* ang imong kasundalohan.
Duna kay pundok sa mga batan-ong lalaki nga sama sa mga yamog sa banagbanag.*
Balaan ug halangdon ang ilang panagway.
4 Si Jehova nanumpa, ug dili niya usbon ang iyang hunahuna:*
“Ikaw usa ka saserdote hangtod sa hangtod+Sa paagi nga sama kang Melquisedek!”+
5 Si Jehova maanaa sa imong tuong kamot;+Dugmokon niya ang mga hari sa adlaw sa iyang kasuko.+
6 Magpahamtang siyag paghukom batok* sa kanasoran;+Pun-on niya ang yuta ug mga patayng lawas.+
Dugmokon niya ang pangulo* sa tibuok yuta.
7 Moinom siya* sa sapa nga nag-ubay sa dalan.
Human niana, ihangad niya ang iyang ulo.
Mga Footnote
^ O “nga mangandam sa gubat.”
^ Literal, “nga gikan sa tagoangkan sa kadlawon.”
^ O “dili siya magbasol.”
^ O “taliwala.”
^ Literal, “ulo.”
^ Nagtumong sa “akong Ginoo” sa bersikulo 1.
