Salmo 83:1-18
Usa ka awit. Salmo ni Asap.+
83 Oh Diyos, ayaw pagpakahilom;+Ayaw pagpabiling hilom o walay gihimo, Oh Balaang Diyos.
2 Kay tan-awa! ang imong mga kaaway nagkagubot;+Kadtong mga nagdumot kanimo nagmapahitas-on.*
3 Sekreto silang naghimog plano batok sa imong katawhan;Sila nagkunsabo batok sa mga tawo nga bililhon kanimo.*
4 Sila nag-ingon: “Dali, laglagon nato sila ingong usa ka nasod,+Aron dili na mahinumdoman ang ngalan sa Israel.”
5 Nagkahiusa sila sa ilang estratehiya;*Nag-alyansa* sila batok kanimo+—
6 Ang mga tolda sa Edom ug ang mga Ismaelinhon, ang Moab+ ug ang mga Hagrihanon,+
7 Ang Gebal ug ang Ammon+ ug ang Amalek,Ang Filistia+ uban ang mga molupyo sa Tiro.+
8 Miduyog usab kanila ang Asirya;+Gipaluyohan nila ang* mga anak ni Lot.+ (Selah)
9 Buhata kanila ang sama sa imong gibuhat sa Midian,+Ang sama sa imong gibuhat kang Sisera ug kang Jabin didto sa sapa* sa Kison.+
10 Gilaglag sila didto sa En-dor;+Nahimo silang kinalibang alang sa yuta.
11 Himoang sama kang Oreb ug Zeeb+ ang ilang mga halangdonUg sama kang Zeba ug Zalmuna+ ang ilang mga prinsipe,*
12 Kay sila nag-ingon: “Atong panag-iyahon ang yuta diin nagpuyo ang Diyos.”
13 Oh akong Diyos, himoa silang sama sa nagtuliyok nga kudyapa,+Sama sa dagami nga gipadpad sa hangin.
14 Samag kalayo nga mosunog sa lasang,Samag siga nga mosunog sa kabukiran,+
15 Hinaot gukdon nimo sila pinaagi sa imong kusog nga bagyo+Ug lisangon nimo sila pinaagi sa imong unos.+
16 Tabonig* kaulawan ang ilang mga nawong,Aron pangitaon nila ang imong ngalan, Oh Jehova.
17 Maulawan unta sila ug malisang hangtod sa hangtod;Maulawan unta sila ug malaglag;
18 Ang katawhan makaila unta nga ikaw, kansang ngalan maoy Jehova,+Ikaw lamang ang Labing Hataas ibabaw sa tibuok yuta.+
Mga Footnote
^ O “mituyhakaw.”
^ Literal, “sa imong mga gitagoan.”
^ Literal, “Sila nagkonsultahanay nga nagkahiusa ang kasingkasing.”
^ O “Nakigsaad.”
^ Literal, “Nahimo silang bukton sa.”
^ O “pangulo.”
^ Literal, “Pun-ag.”
