Salmo 90:1-17
Pag-ampo ni Moises, ang tawo sa matuod nga Diyos.+
90 Oh Jehova, ikaw ang among puloy-anan*+ latas sa tanang kaliwatan.
2 Sa wala pa ipatungha ang kabukiranO sa wala pa nimo ipatungha* ang kalibotan ug ang yuta,+Gikan sa walay sinugdanan hangtod sa walay kataposan, ikaw ang Diyos.+
3 Ginapabalik nimo ang tawo sa abog;Miingon ka: “Balik mo, kamong mga anak sa mga tawo.”+
4 Kay ang 1,000 ka tuig daw kagahapon lang alang kanimo,+Daw usa lang ka yugto sa pagbantay sa kagabhion.*
5 Gipapha nimo sila;+ nahanaw sila samag usa lang ka damgo;Pagkabuntag, sila samag sagbot nga moturok.+
6 Sa mabuntag kini mamulak ug molunhaw,Apan sa magabii kini malawos ug malaya.+
7 Kay kami gilamoy sa imong kasuko+Ug nalisang sa imong kapungot.
8 Gibutang nimo ang among kasaypanan sa imong atubangan;*+Ang among mga tinago nadayag tungod sa kahayag sa imong nawong.+
9 Ang among mga adlaw* nagkamubo tungod sa imong dakong kasuko;Ug ang among mga tuig natapos samag hagawhaw.*
10 Ang gitas-on sa among kinabuhi maoy 70 ka tuig,O 80+ kon ang usa may talagsaong kabaskog.
Apan kini punog kasamok ug kagul-anan;Kini dali rang molabay, ug kami mahanaw.+
11 Kinsay makatugkad sa gahom sa imong kasuko?
Ang imong kasuko sama ka dako sa kahadlok nga takos kanimo.+
12 Tudloi mi kon unsaon pag-ihap ang among mga adlaw+Aron makabaton mig maalamong kasingkasing.
13 Balik, Oh Jehova!+ Hangtod kanus-a kini magpadayon?+
Kaluy-i ang imong mga alagad.+
14 Sa buntag tagbawa mi sa imong maunongong gugma,+Aron makasinggit mi sa kalipay ug magsadya+ sa tanan namong adlaw.
15 Lipaya mi sama ka dugay sa mga adlaw nga gisakit mi nimo,+Sama ka dugay sa mga katuigan nga nakasinati mig katalagman.+
16 Hinaot makita sa imong mga alagad ang imong kalihokan,Ug hinaot makita sa ilang mga anak ang imong kahalangdon.+
17 Hinaot uyonan mi ni Jehova nga among Diyos;Hinaot palamposon* nimo ang buhat sa among mga kamot.
Oo, hinaot palamposon* nimo ang buhat sa among mga kamot.+
Mga Footnote
^ O posible, “dangpanan.”
^ O “ipatungha nga samag uban sa kasakit sa pagbati.”
^ Ang matag yugto sa pagbantay sa kagabhion maoy mga upat ka oras.
^ O “Nahibalo ka sa among kasaypanan.”
^ O “among kinabuhi.”
^ O “pagpanghupaw.”
^ O “palig-onon.”
^ O “palig-onon.”
