“Pabiling Suod Kang Jehova!”

Distritong Kombensiyon sa mga Saksi ni Jehova

● Kapin sa usa ka gatos niining tulo-ka-adlaw nga kombensiyon ang magsugod sa Pilipinas sa Oktubre 22-24, 2010. Kini nga kombensiyon gipahigayon usab sa tibuok kalibotan sa milabayng mga bulan. Sa Pilipinas, ang sesyon sa Biyernes ug Sabado magsugod sa alas 8:20 sa buntag (8:50 sa buntag sa Dominggo) pinaagig musika. Ang tema sa Biyernes, nga gipasukad sa Salmo 73:28, mao “Ang Pagduol sa Diyos Maayo Alang Kanako.” Ang pakigpulong sa tsirman sundan sa mga pakigpulong nga “Ang mga Kombensiyon Makatabang Kanato nga Magpabiling Suod Kang Jehova” ug “Buot sa Anak nga Ibutyag Siya.” Dayon, ang simposyum nga “Sundoga Kadtong Padayong Nakigsuod Kang Jehova” maghisgot kon sa unsang paagi kana gihimo ni Abraham, Ruth, Ezequias, ug Maria. Ang programa sa buntag matapos pinaagi sa yawing pakigpulong, “Kon sa Unsang Paagi si Jehova Makigsuod Kanato.”

Ang unang bahin sa Biyernes sa hapon mao ang “Mga Tubag sa mga Pangutana Bahin Kang Jehova,” nga sundan sa mga pakigpulong nga “Magpaumol sa Disiplina ni Jehova” ug “Ayaw Gayod ‘Kaaligutgot Kang Jehova.’” Ang sunod mao ang lima-ka-bahing simposyum nga may temang “Ang Komunikasyon Makatabang sa mga Pamilya Aron Magpabiling Suod Kang Jehova.” Kining mga bahina nag-ulohang: “Si Jehova, ang Kinamaayohang Tigkomunikar,” “Mga Bana, Pakigkomunikar sa Inyong mga Asawa!,” “Mga Asawa, Pakigkomunikar sa Inyong mga Bana!,” “Mga Ginikanan, Pakigkomunikar sa Inyong mga Anak!,” ug “Mga Anak, Pakigkomunikar sa Inyong mga Ginikanan!” Ang sesyon sa hapon matapos pinaagi sa pakigpulong nga “Ang Kalalangan Nagbutyag sa ‘Buhing Diyos’!”

Ang tema sa Sabado mao, “Ang Iyang Pagpakigsuod Anaa Uban sa mga Matul-id,” nga gibase sa Proverbio 3:32. Ang lima-ka-bahing simposyum nga “Tabangi ang mga Tawo nga ‘Mapasig-uli sa Diyos’” maglakip sa mga bahin nga “Nahimulag ug Nawad-ag Paglaom,” “Siya Nangutana Kanila,” “Tumana ang Imong Papel Ingong Kaubang Magwawali,” “Kabiga Sila Pinaagig Maayong Panggawi,” ug “Magmalahutayon Pag-ayo sa Inyong mga Buluhaton.” Human sa mga pakigpulong nga “Ang Bug-os-Panahong Pag-alagad Makapalig-on sa Imong Relasyon Kang Jehova” ug “Alang Niadtong Nahigugma Kang Jehova, ‘Walay Kapandolan,’” ang sesyon matapos pinaagi sa pakigpulong sa bawtismo, ug human niana bawtismohan ang mga kuwalipikado.

Ang programa sa Sabado sa hapon dunay walo-ka-bahing simposyum, “Ayaw Pagtugot nga Dunay Magpahilayo Kanimo Kang Jehova”—“Malipotong mga Paningkamot ni Satanas,” “Garbo,” “Kuwarta,” “Panglawas,” “Karera,” “Kalingawan,” “Pamilya,” ug “Teknolohiya.” Sundan kana sa usa ka linaing sound drama nga nag-ulohang “Ayawg Kaluya Kon Disiplinahon Ka ni Jehova!” Ang sesyon matapos pinaagi sa pakigpulong nga “Magpabiling Suod Kang Jehova, Sama ni Jeremias.”

Ang tema sa Dominggo, nga gibase sa Josue 23:8, mao ang “Kang Jehova . . . Kamo Angayng Mounong.” Human sa awit ug pag-ampo sa buntag, ang simposyum nga “Pag-apresyar sa Dalayegong Personalidad ni Jehova” maghisgot sa walo niini nga mga hiyas—“Pagkadaling-Duolon,” “Pagkamay-Empatiya,” “Pagkamapabilhon,” “Pagkamahinatagon,” “Pagkadili-Mapihigon,” “Pagkamapinasayloon,” “Pagkamakataronganon,” ug “Pagkamaunongon.” Mosunod ang pakigpulong publiko nga nag-ulohang “Sa Unsang Paagi Ka Masuod sa Diyos?” Ang sesyon sa buntag matapos pinaagi sa sumaryo sa senemanang Pagtuon sa Bantayanang Torre.

Ang linaing bahin sa Dominggo sa hapon mao ang full-costume drama nga gipasukad sa unang siglo. Bahin kini sa pagkalagiw sa mga Kristohanon gikan sa Jerusalem ug kini nag-ulohang “Lakaw Pinaagi sa Pagtuo Dili Pinaagi sa Makita.” Human sa drama, ang kombensiyon matapos pinaagi sa pakigpulong nga “Pabilin Diha ‘sa Natago nga Dapit sa Labing Hataas.’”

Magplano na karon sa pagtambong. Aron mahibalo ka kon asa ang kinadul-ang kombensiyon, kontaka ang Kingdom Hall sa mga Saksi ni Jehova sa inyong lugar o pagsulat sa mga magpapatik niining magasina. Makita diha sa Web site nga www.ps8318.com ang mga dapit sa kombensiyon sa Pilipinas.