SI Josue nag-atubag lisod kaayong asaynment. Siyay mogiya sa nasod sa Israel padulong sa Yutang Saad bisan pa sa grabeng kalisdanan. Pero, gipasaligan siya ni Jehova nga siya magmalamposon, ug siya gidasig: ‘Magmaisogon ka ug magmakusganon. [Tumana] ang akong Balaod. Basaha kini adlaw ug gabii, aron ikaw mag-amping sa pagbuhat sumala sa tanang nahisulat niini. Sa ingon magmalamposon ka sa imong dalan ug molihok ka nga maalamon.’​—Jos. 1:7, 8.

Niining “makuyaw nga mga panahong lisod sagubangon,” nag-atubang pod tag grabeng kalisdanan. (2 Tim. 3:1) Sama ni Josue, magmalamposon ta kon tumanon nato ang mga gitambag ni Jehova kaniya. Regular natong basahon ang Bibliya ug gamiton ang mga prinsipyo niini sa pag-atubang sa mga problema.

Apan, daghan nato ang moangkon nga dili ta kamaong magtuon ug lisdan ta sa pagbuhat ana. Pero kay importante man kaayong tun-an ang Bibliya, repasoha ang kahong “ Sulayi Ni nga mga Sugyot” aron mahimong mas epektibo ug makalingaw ang imong pagtuon.

Ang salmista miawit: “Palakta ako sa agianan sa imong kasugoan, kay kini akong gikahimut-an.” (Sal. 119:35) Kon imong tun-an ang Pulong sa Diyos, ikaw magmalipayon gayod ug makadiskobreg nindot nga espirituwal nga mga bahandi.

Bisag dili ka mangunag nasod sama ni Josue, may kaugalingon kang kalisdanan. Busa, sundoga si Josue. Tun-i ug tumana ang mga nahisulat. Kon himoon nâ nimo, magmalamposon pod ka ug molihok nga maalamon.