Gidiskarga sa mga landscaper ang mga kahoyng oak ug maple diha sa tree staging area. Kapig 1,400 ka bag-ong kahoy ang gitanom sa Warwick site.

Ang mga nagtrabaho sa Warwick mitambong sa Panihapon sa Ginoo. May total nga 384 ka tawo ang presente niining dapita para sa okasyon nga gisaulog kada tuig sa mga Saksi ni Jehova sa tibuok kalibotan.

Mga boluntaryo nagtaod ug mga bentana sa gatehouse. Ang mga gate personnel maoy mag-abiabi sa mga bisita, magbantay sa seguridad sa propidad, ug mag-asikaso sa mga sakyanang mosulod ug mogawas sa site.

Amahan ug anak nagplastar sa mga carpet diha sa hallway sa ikaduhang andana. Mga carpet tiles ang gigamit diha sa mga dapit nga kanunayng agian, kay dali rang ilisan ang madaot nga carpet tiles kon itandi sa dagkong mga carpet nga molukop sa usa ka seksiyon.

Mga boluntaryo nagtaod sa dali rang mailisan nga mga partisyon sa opisina. Kon kinahanglang usbon ang plastada sa mga opisina, dali ra kini himoon tungod niini nga mga partisyon.

Usa ka boluntaryo nag-andam sa kasilyas para sa mga bisita, nga duol ra sa lobby, aron taoran ug mga inidoro ug mga partisyon.

Sa training exercise, ang Emergency Response Team nangandam sa pagpatay sa kalayo. Pinaagi sa pagbansaybansay sa pagdumala sa susamang mga situwasyon, maproteksiyonan niini nga mga bombero ang mga bilding ug ang mga nagtrabaho sa Warwick, ug matabangan sab ang mga bombero sa gobyerno niining dapita.

Usa ka waiter nagpalingkod sa mga nagtrabaho sa Warwick diha sa pangunang kan-anan sa wala pa magsugod ang unang Morning Worship program nga gikonektar dinhi.

Gamit ang self-leveling laser, giplastar sa usa ka boluntaryo ang usa sa kapig 2,500 ka karatula nga naghatag ug direksiyon sa mga residente ug bisita.

Welder nga nag-install sa mga handrail sa hagdanan gikan sa lobby paingon sa auditorium. Ang hanig nga makita sa ubos nga bahin sa hulagway gigamit aron dili madaot ang natapos nang mga bahin sa hagdanan.

Usa ka membro sa Walls/Ceilings Department nagpalitada sa bungbong diha sa agianan nga mopaingon sa “Faith in Action,” usa sa tulo ka displey para sa mga bisita. Ang hitsura sa matag agianan magpasiugda sa tema sa matag displey.

Giandam sa mga boluntaryo ang sementong salog para sa “densification.” Ang proseso nga densification magpalig-on sa semento, aron dugay ning madaot, dili kaayo mataptag abog ug mga marka sa ligid sa sakyanan, ug dali rang mentinahon.

Mga boluntaryo nag-install ug fiberglass nga atop ibabaw sa entrada sa lobby. Kay sihag ang atop, mahayagan niini ang agianan sa entrada.

Bana ug asawa nagplastar sa mga granite tiles sa entrada sa displey nga “The Bible and the Divine Name.”

Usa ka boluntaryo nga nag-install sa usa sa 1,018 ka lingkoranan sa main auditorium. Ang auditorium gamiton sa pamilya para sa Patuon sa Bantayanang Torre ug uban pang espirituwal nga mga programa para sa pamilyang Bethel.

Sa main lobby, gi-install sa mga panday, elektrisyan, ug uban pang boluntaryo ang may suga nga welcome sign para sa mga bisita.

Duha ka membro sa Building Support naghatod ug tubig para sa mga nagtrabaho sa main lobby. Ilabina kon init ang panahon, ang mga nagtrabaho kanunayng gipahinumdoman sa pag-inom ug tubig.

Usa ka boluntaryo nag-install sa mga kahon nga maoy butangan sa karaang mga Bibliya para sa displey nga “The Bible and the Divine Name.” Lakip sa displey ang usa ka “rotational gallery” nga may dugang nga mga Bibliya ug mga karaang butang nga nalangkit sa Bibliya.

Pinaagig blueprint nga gipalakra diha sa bungbong, giplastar sa usa ka boluntaryo ang mga representasyon sa Australia ug mga isla sa Southeast Asia diha sa mapa nga makita sa main lobby. Ang ngalang mga Saksi ni Jehova mabasa diha sa bungbong sa halos 700 ka pinulongan.

Mga membro sa pamilyang Bethel mitambong sa orientation session. Gihimo kini nga mga session aron sa pag-abiabi ug pag-orient sa umaabot nga mga Bethelite sa Warwick ug sa paghatag kanilag instruksiyon bahin sa safety hazards nga gipatuman sa site.

Mga rigger nag-isa sa light-ring ug sa mga poste niini ibabaw sa anchor desk sa studio sa JW Broadcasting. Kadaghanan sa materyales sa studio maoy gikan sa naunang lokasyon niini sa Brooklyn.

Elektrisyan nga nag-install ug bag-ong karatula diha sa main entrance nga may LED accent lighting. Hangtod sa Septiyembre 1, daghan nang departamento sa world headquarters ang naglihok didto sa Warwick.