Ié Ewe Kot?
Chómmóng aramas ra erá pwe ra lúkú Kot. Nge ika kopwe eisiniir ika ié ewe Kot, iwe kopwe kúna pwe a sókkopat met repwe apasa. Me ren ekkóch, Kot i emén soukapwúng mi kirikiringaw, me a kan chék kútta féfféringawen aramas ren an epwe apwúngúúr. Nge me ren ekkóch, pwe i emén mi tong me omusaaló tipisin aramas fansoun meinisin ese lifilifil met ra féri. Mi pwal wor ekkewe ekkóch mi lúkú pwe Kot a fókkun towau senikich me ese kan áfánnikich. Seni ekkena sókkopaten memmeef, chómmóng neman ra meefi pwe ese tufich ach sipwe silei ika ié ewe Kot.
Mi lamot óm kopwe silei Kot? Ewer, mi lamot. Óm silefichi Kot a tongeni alapaaló aúchean manawom. (Föför 17:26-28) Péchékkúlelóón óm riri ngeni Kot, epwe pwal ina lapólóón an tongeok me álisuk. (James 4:8) Iwe, óm angei ewe sile mi pwúng usun Kot a tongeni emmwenuk ngeni manaw esemuch.—Johannes 17:3.
Ifa usun ka tongeni silei Kot? Ekieki usun emén ka fókkun sissilei, áwewe chék ren emén chiechiom. Ifa usun a poputá le lapóló ámi ririin chiechi? Ese mwáál ka akkomw silei itan, napanapan kewe, met a sani me met ekkewe ese sani, féfférún kewe me met a ekiekin féri, me pwal ekkóch mettóch. Óm silei usun eménna, ina met a efisi óm mochen chiechi ngeni.
Pwal ina chék usun, sia tongeni silei Kot ren ach ekieki ekkeei mettóch:
A ffér ei puk pwe epwe pélúweni ekkena kapas eis me ren ewe Paipel. Ekkeei lesen lón ei puk repwe álisuk le silei ié ewe Kot, me ekkewe feiéch kopwe kúna lupwen ka poputá le ririéch ngeni.
Neman Kopwe Pwal Sani
EWE LEENIEN MAS
Mi Wesewesen Tufich Ach Sipwe Kúna Kot?
A wor ekkóch mettóch usun Kot sise tongeni weweiti nge ra tongeni álisuk le sileéchú i.
