Áwewe chék ren Sally, * seni Merika, a péút seni pisekin meinisin lón eú watteen taifun. A erá: “Use silei ika epwe fen chúen ki ngeniei ai keei weires. Ren úkúkún fitu rán, ua meefi pwe ua pwisin much.”

Málóón emén attongeach pwal ina eú áweires ngeni manawach. Janice, seni Australia a erá: “Lupwen nei kewe rúúemén át ra má seniei, usun itá manawei a fen tatakkisitiw, nge ua fókkun achocho le féri met epwe mwaren unus sefál ren. Ua sié ngeni Kot: ‘Kot kese mochen, ai riáfféú ese chúen ki ngeniei! Kopwe chék éméúraaeiló. Use mochen pwáátásefál.’”

Daniel, a pwal fókkun letipechou lupwen pwúlúwan we a einimwei. A apasa: “Lupwen pwúlúwei we a ereniei pwe a einimwei ngeni emén mwán, ua meefi pwe usun itá efóch saar a ppwereni féún ngasangasei. Nge ren úkúkún fitu maram, ua meefi metekin, usun nge emén e kan pwosupwosukisiei.”

Ei puk, Ewe Leenien Mas, epwe pwóróus wóón ika mi chúen lamot ach sipwe manaw pwal mwo nge atun fisin

• Feiengaw watte

• Málóón emén attongeach

• Kirikiringaw lón pwúpwúlú

• Samau watte

• Lululóón áweiresin manaw

Iwe akkomw, ifa usun sipwe tongeni likiitú fán fisin feiengaw watte?