Uruwo Lón Paipel Esap Tutulap

PLAY

Uruwo Lón Paipel Esap Tutulap

“Üa küttafichi mettoch meinisin seni lepoputän.”—LUKAS 1:3.

IFA USUN EWE PAIPEL A SÓKKÓLÓ? Ekkewe pwóróus lón ekkewe tutulap ra amwarar nge rese tichiki ia a fis ie, ineet a fis me iten ekkewe wesewesen aramas mi mak lón uruwo. Nge ewe Paipel mi sókkóló pun a apachaalong chómmóng pwóróusen uruwo mi tichik mi alúkúlúkú ekkewe chón állea pwe án Paipel “kapas meinisin mi chok enlet.”—Kölfel 119:160, TF.

PISEKIN ÁNNET: Ewe Paipel a erá pwe “Nepukatnesar ewe kingen Papilon . . . a uwala Jehoiachin seni Jerusalem tori Papilon.” Mwirin, “lon ewe ier, lupwen Ewil-merotak a tolong lon wisan wisen king o nemeni Papilon, a eäni ümöümöch ngeni Jehoiachin ewe kingen Juta o atowu seni imwen fötek.” Pwal eú, “Jehoiachin a pwal angei alilisin seni ewe king pwe atufichin an osupwang iteiten rän lon unusen ränin manauan.”—2 King 24:11, 15; 25:27-30.

KÚNAEN EKKEWE SOU KÁÉ USUN METTÓCHUN LÓÓM: Lerásen ewe telinimwen Papilon, ekkewe sou káé mettóchun lóóm ra kúna ekkóch rekot minen le mwúún King Nepukatnesar II, usun kkótun mwúún we. Ekkóch ekkena mak a eiteitetiw ekkewe álillis ra ngeni ekkewe chón angang me chón fétek lón Papilon. A kapachelong iten “Yaukin [Jehoiachin],” ewe “king lon ewe fénú Yahud [Juta],” me an we famili. Nge ifa usun Ewil-merotak, ewe a wii Nepukatnesar? Iei met a mak lón eú rume ra kúna me lón ewe leeni kan ngeni ewe telinimw Susa: “Imwen Amil-Marduk [Ewil-merotak], ewe Kingen Papilon, néún Nepukatnesar, Kingen Papilon.”

MET KA EKIEKI? Mei pwal wor och taropween lóóm minen lamalam a kon tichik me pwúng me ren uruwo? Are ewe chék Paipel a kkóló aúchean?

[Ekis Pwóróus lón pekin taropwe 5]

“Ekkewe pwóróusen uruwo usun ineet me ia a fis ie eú pwóróus a fókkun pwúng me alúkúlúk lap seni met a mak lón ekkewe taropween lóóm meinisin.”—A SCIENTIFIC INVESTIGATION OF THE OLD TESTAMENT, ME REN ROBERT D. WILSON

[Sasing lon pekin taropwe 5]

EÚ ÁN PAPILON REKOT A MAK ITEN JEHOIACHIN EWE KINGEN JUTA WÓÓN

[Credit Line]

EWE LEENIEN MAS