Án Paipel Kewe Kapas Eis Ra Pélú
Ia ewe Tefil a feito me ie?
Kot ese féri ewe Tefil. A fen féri emén chónláng, nge mwirin och fansoun, a wiliti ewe Tefil, are Satan. Met Paipel a apasa, a pwáraatá pwe a wor fansoun lóóm lóóm ewe Tefil a wenechar me ese wor tipisin. Iwe, lepoputáán, ewe Tefil i emén me lein néún Kot kewe chónláng mi pwúng.—Álleani Isikiel 28:15.
Ifa usun emén chónláng a tongeni wiliti ewe Tefil?
Ewe chónláng mi wiliti ewe Tefil, a pwúkún filatá an epwe ú ngeni Kot me etipetipa ekkewe popun aramas ar repwe fiti. A pwisin féri an epwe wiliti Satan, weween ena it “Chón Ú Ngeni.”—Álleani Keneses 3:1-5; Pwärätä 12:9.
Ena chónláng mi wiliti ewe Tefil, a tufichin pwisin filatá ika epwe féri minne mi pwúng are minne mi mwáál, usun chék meinisin férien Kot kewe chónláng me aramas mi mirit. Iwe nge, a tipeni án ekkewe ekkóch repwe fel ngeni. An mochen angei ling a péchékkúl seni an mochen apwapwaai Kot.—Álleani Mateus 4:8, 9; James 1:13, 14.
Ifa usun ewe Tefil a chúen etipetipa aramas? Itá mi wor popun óm kopwe niwokkusiti? Ka tongeni kúna pélúwen ekkeei kapas eis me lón ewe Paipel.