Kopwe ekiekéch ngeni chókkewe mi aúseling ngonuk. Lúkúlúk pwe chiechiom kewe Chón Kraist ra mochen apwapwaai Jiowa. Kopwe kútta alen óm kopwe apúnger, nge ika mi lamot óm kopwe ngeniir kapasen fén, kopwe apúnger akkomw.

Aúkúkú óm fósun met mi eletipechou. Ika ka meefi pwe mi aúchea óm kopwe apachaalong pwóróus mi eletipechou lón óm afalafal, iwe, kopwe féri ena ren óm kopwe ánnetatá och pwóróus, nge esap óm kopwe chék ámáirúi aramas. Óm afalafal epwe menlapei met mi atoto ápilúkúlúk.

Néúnéúfichi án Kot Kapas. Menlapei met Jiowa a fen féri fán iten aramas, met a féfféri iei, me met epwe féri lón fansoun epwe feito. Álisi ekkewe chón aúseling an epwe wor ar ápilúkúlúk me tipepwora.