Ié Kewe Ra Féfféri Letipen Jiowa Lón Ei Fansoun?

A wor Chón Pwáraatá Jiowa wóón unusen fénúfan me iir seni sókkopaten lewo. Met a etipeeúfengeni ekkeei aramas seni sókkopaten lewo?

Ifa Letipen Kot?

Kot a mochen pwe aramas wóón unusen fénúfan repwe silei letipan we. Ifa letipan we me ié kewe ra asukula ekkewe ekkóch usun?

LESSON 1

Ekkewe Chón Pwáraatá Jiowa, Iir Met Sókkun Aramas?

Fitemén Chón Pwáraatá Jiowa ka kan silei? Met ka wesewesen silei usúm?

LESSON 2

Pwata Ám Aua Iteni Chón Pwáraatá Jiowa?

Ekieki ekkewe úlúngát popun pwata ám aua iteni ena it.

LESSON 3

Ifa Usun ewe Enlet lón ewe Paipel A Pwásefál?

Ifa usun sia tongeni lúkúlúk pwe mi pwúng ach weweiti met ewe Paipel a apasa?

LESSON 4

Pwata Ám Aua Féri eú Afféún ewe Paipel?

Pwata Ei Afféún Paipel A Sókkóló Aúchean Seni Meinisin Paipel?

LESSON 5

Met Kopwe Kúna Seni Ám Kewe Mwich án Chón Kraist?

Aua mwich pwe aupwe káé ewe Paipel me apéchékkúlafengeniir. Ka fókkun ketiw!

LESSON 6

Ifa Usun Ám Chiechi Ngeni Pwiim Kewe Chón Kraist A Efeiéchúkem?

Án Kot we Kapas a apéchékkúla ewe chiechi lefilen Chón Kraist. Káé ifa usun kopwe kúna feiéch seni ei esin chiechi.

LESSON 7

Mei Fet Napanapen Ám Kewe Mwich?

Ka fen ekieki ika met a fiffis lón ám kewe mwich? Ese mwáál kopwe máirú ren échún óm kopwe silei Paipel seni napanapen ám káé.

LESSON 8

Pwata Sia Úféúféch Atun Ach Kewe Mwich?

Mi lamot ngeni Kot met sia úféúf? Káé án Paipel kewe kapasen emmwen mi emmweni ach kefil fán iten úfach me foutach.

LESSON 9

Ifa Usun Sia Tongeni Ammólnatáéchú fán Iten Ekkewe Mwich?

Ammólnatá fán iten mwich, ina epwe álisuk óm kopwe kúna watte feiéch.

LESSON 10

Met Weween Famili Fel?

Kopwe kúna ifa usun ena kókkót epwe álisuk le ririéch ngeni Kot me apéchékkúla ewe ririin famili.

LESSON 11

Pwata Aua Fiti Ekkewe Mwichelap?

Iteiten ier a wor úlúngát mwichelap. Ifa usun kopwe feiéch seni ekkeei mwichelap?

LESSON 12

Ifa Usun A Kkótóló Ám Angangen Afalafala ewe Mwú?

Aua áppirú minne Jesus a féri atun a nóm wóón fénúfan. Ikkefa ekkóch alen ach afalafala ekkewe aramas?

LESSON 13

Met Weween Emén Pioneer?

Ekkóch Chón Pwáraatá ra afalafal úkúkún 30, 50, are lap seni awa iteiten maram lón ewe angangen afalafal. Met a amwékútúúr?

LESSON 14

Ikkefa Ekkewe Sukul mi Kawor fán Iten Pioneer?

Ikkefa ekkewe sukul mi kkóló aúchear ra fen kawor fán iten chókkewe mi áeá watteen fansoun fán iten angangen afalafala ewe Mwú?

LESSON 15

Ifa án Ekkewe Mwán mi Ásimaw Angang fán Iten ewe Mwichefel?

Ekkena mwán, iir mi ásimaw lón pekin lúkú, ra emmweni ewe mwichefel. Ikkefa ekkewe álillis ra awora?

LESSON 16

Met án Ekkewe Chónálillisin Mwichefel Angang?

Ekkewe chónálillisin mwichefel ra álisi fetáléchún kókkótun ewe mwichefel. Káé ifa usun ar angang a álisi meinisin chón fiti mwich.

LESSON 17

Ifa Usun Ekkewe Chónemmwen mi Wisen Sáifetál Ra Álisikich?

Met popun ekkewe chónemmwen mi wisen sáifetál ra chuuri ekkewe mwichefel? Ifa usun kopwe tongeni feiéch seni ar chuuri ewe mwichefel?

LESSON 18

Ifa Usun Aua Álisi Pwiim Kewe mi Nóm lón Weires?

Lupwen a fis feiengaw watte, aua mwittir akkóta ám aupwe álisi chókkewe mi feiengaw. Ifa usun?

LESSON 19

Ié ewe Mwichen Chón Angang mi Alúkúlúk o Tipachem?

Jesus a pwonei pwe epwe seikaatá chókkewe repwe akkawora mwéngé lón pekin lúkú. Ifa usun?

LESSON 20

Lón Ei Fansoun Ifa Angangen ewe Mwichen Soupwúngúpwúng?

Lón fansoun ekkewe aposel, eú kúkkún mwich, ekkewe aposel me ekkewe mwán mi ásimaw ra angang usun eú mwichen soupwúngúpwúng fán iten ewe mwichefelin Chón Kraist. Nge ifa usun ikenái?

LESSON 21

Met Ena Bethel?

Bethel eú leeni mi sókko seni meinisin pún fókkun lamot populapen an a kawor. Alapaaló óm sile usun chókkewe mi angang ikenan.

LESSON 22

Ikkefa Ekkewe Angang A Fiffis lón eú Keangen Ofesilap?

Aramas meinisin ra ketiw le katol ekkewe ofes lón ám kewe keangen ofesilap. Iwe ka pwal ketiw!

LESSON 23

Ifa Usun A Mak me Afféú Néúm Kewe Puk?

Aua féri ekkewe puk lón lap seni 750 fósun fénú. Pwata aua achocho le féri ei angang?

LESSON 24

A Feito me Ia Monien Álillisin Ám Angang Wóón Unusen Fénúfan?

Met a assokkaalóói ám mwicheich seni ekkewe pwal ekkóch lamalam ren kálisitáán ám angang?

LESSON 25

Met Popun A Kawor Ekkewe Leenien Mwich me Ifa Usun Ra Kaútá?

Met popun aua eita ngeni ám leenien fel ewe Leenien Mwich. Alapaaló óm sile ren ifa usun ekkewe Leenien mwich mi chék úkúkéch me rese eingeing, ra álisi ám kewe mwichefel.