LABIB I REPONN

Kisisa en bon paran?

En lakour kot paran i kontan e respekte kanmarad i en bon lanvironnman pour en zanfan grandi. (Kolosyen 3:14, 19) Bann bon paran i kontan zot zanfan e felisit zot zis parey Bondye ti felisit son Garson.​—Lir Matye 3:17.

Nou Papa dan lesyel i ekout son bann serviter e i pran aker zot bann santiman. I ti pou byen si bann paran i aprann avek Bondye e ekout sa ki zot bann zanfan i annan pour dir. (Zak 1:19) Zot devret rekonnet santiman zot zanfan, enkli zot bann parol negatif.​—Lir Nonm 11:11, 15.

Ki mannyer nou kapab elve bann zanfan responsab?

Konman en paran, ou annan drwa met bann lareg kot lakour. (Efezyen 6:1) Aprann atraver legzanp Bondye. I demontre lanmour anver son bann zanfan par etabli klerman son bann lareg e i fer konnen ki pou arive si zot dezobei. (Zenez 3:3) Me olye fors dimoun pour obei, i ansenny zot ki mannyer pour benefisye par fer sa ki byen.​—Lir Izai 48:18, 19.

Fer li ou lobzektif pour ed ou zanfan kontan Bondye. Apre sa, zot pou azir dan en fason saz menm ler ou pa la avek zot. Zis parey Bondye i ansenny par son legzanp, ansenny ou zanfan pour kontan Bondye par ou legzanp.​—Lir Deterononm 6:5-7; Efezyen 4:32; 5:1.

Pour plis lenformasyon vwar sapit 14 dan sa liv, Ki Labib i vreman dir?, pibliye par Temwen Zeova

I osi disponib lo www.ps8318.com

[Portre lo paz 16]

Eski ou ansenny ou zanfan pour kontan Bondye?