Noba naŋ be a donɛɛ lombori zaa maŋ teɛreŋ ka ba eɛ ba yoŋ a koŋ baŋ peɛle ba zɔmenne meŋ. Laafeeloŋ tontonneba naŋ kyile sagedieŋ ka, ka teneeŋ maŋ sonnɔ te taaba, a na baŋ soŋ teŋ ka te iri a teɛroŋ faare ŋa yi neŋ te teɛroŋ poɔŋ.

•   “Ka teneeŋ wa sonnɔ noba naŋ be awonaa poɔŋ, a maŋ vɛŋeŋ teŋ taa popeɛloŋ, a lɛ soŋ te teŋ iri teɛroŋ na teŋ taa ka te eɛ te yoŋ, bee a koŋ baŋ peɛle te zɔmenne na bare.”​—U.S. National Institutes of Health.

 A Baabole ko teŋ kawane naŋ soma a kyaare lɛ teŋ na baŋ e a sonnɔ te taaba. Ka teneeŋ de a Baabole kawane tonɔ neŋ toma, a na baŋ soŋ teŋ ka te iri teɛroŋ zaa teŋ taa ka te eɛ te yoŋ a bare.

 Maŋ yuoro ho nu a terɛ boma. Maŋ bɔ vuo a te poɔ ho taaba eŋɛŋ ka ho ne ba laŋ e yɛlɛ. Maŋ yi ho poɔ zaa a pono boma na hoŋ taa na. Ka hooŋ e lɛ, a na vɛŋeŋ ka ba boɔrɔ ka ba wuli nimipa a ko yelsonne na hoŋ erɛ korɔ ba na. Lɛ na yuo la sori ko yɛ ka yɛ nyɔge zɔmennoŋ.

•   Baabole kawane: ‘Yɛ maŋ terɛ, ba na ko la yɛ meŋ.’​—Luka 6:38.

 Maŋ de ho faŋa sonnɔ ho taaba. Ka hooŋ wa nyɛ ka noba mine tuoree yelkpeɛne ba zemmo poɔŋ, moɔ a kaa bɔ soe na hoŋ na baŋ tu a soŋ ba. Aminekaŋaŋ, ho na baŋ yi la nimimaaroŋ poɔŋ a kyɛlle woŋ yɛlɛ na baŋ taa ka ba yeli, kyɛbee ka ho de ho meŋɛ tere a e yɛlɛ mine soŋ ba.

•   Baabole kawane: “Zɔmeŋɛ maŋ bebeŋ ka o soŋ yelzaa poɔŋ.”​—Yeng Yelibie 17:17, Contemporary English Version.

 Ka hooŋ boɔrɔ ka ho nyɛ yɛlɛ yaga a kyaare yɛlɛ naŋ na baŋ soŋ bo ka ho neŋ ho taaba niiloŋ maaleŋ e kpeɛŋaa, kanne a yelzu ŋa, “Family Life and Friendships.” (Booree Zemmo Yɛlɛ Ane Zɔmennoŋ Yɛlɛ.)