Naaŋmen boɔrɔŋ ka nensaaleba zeŋ a teŋɛzuŋ a wono noɔ̃. Onaŋ nɔŋ nensaaleba zuŋ oŋ maale a teŋgane ane boma zaa naŋ be o poɔŋ. A koŋ kɔɔre Naaŋmen na de la gbɛre a e yɛlɛ naŋ na vɛŋ ka noba naŋ be a teŋɛzu zaa taa zeŋ laafeɛ nendaare kaŋa. O na iree yɛlɛ na zaa naŋ vɛŋ ka nensaaleba dire dɔgɛɛ na bare.​—Kanne Jeremaiya 29:11.

 Nensaaleba gɔmenante zaa kyebe a daaŋ toɔ̃ iri kpaŋkpaŋkpeɛ̃o toma, baaloŋ, ane kũũ bare. Kyɛ duorisoŋ bebeŋ. A koŋ kɔɔre, Naaŋmen na de la o gɔmenante na a wa iri neŋ nensaaleba gɔmenantere ŋa zaa bare. Noba na Naaŋmen gɔmenante naŋ na kaara na na taaɛ emmaaroŋ ane laafeeloŋ naŋ paale.​—Kanne Aizeeya 25:8; 33:24; Daaniel 2:44.

 Ka Naaŋmeneŋ wa iri neŋfaare zaa bare a teŋɛzuŋ, te dɔgɛɛ meŋ zaa na baareŋ. (Zefanaiya 2:3) Bo saŋa ka Naaŋmen na e lɛ? Yɛlɛ na zaa naŋ pɔgrɔ nensaaleba pampana ŋa, ka a Baabole daŋyeli biŋ ka a na erɛŋ te wagre ŋaŋ. Yelfaare na zaa naŋ erɛ a teŋɛzuŋ na eɛ sieree naŋ wuli ka a kyɛre fẽẽ ka Naaŋmen de gbɛre a e yelkaŋa.​—Kanne 2 Timoti 3:1-5.

 Aseŋ ka te moɔ̃ niŋe a zanna Naaŋmen yɛlɛ yire o Yelbiri a Baabole poɔŋ. A Baabole waa ŋa lɛta bi-saa kaŋa naŋ taa nɔmmo naŋ sɛge ko te. A Baabole maŋ wuli teŋ lɛ teŋ na baŋ e a taa zeŋ laafeɛ pampana, ane lɛ teŋ na baŋ e a nyɛ nyɔvore naŋ ba taa baaraa a teŋɛzu kyɛ nendaare kaŋa. Yelmeŋɛ la, ka noba mineŋ wa baŋ ka ba sonnɔ boŋ ka ho woŋ a Baabole muni soŋ, ba poore koŋ pɛle. Kyɛ, Naaŋmen eŋɛɛ noɔre ka o na eɛ yelsonne yaga zaa ko te nendaare kaŋa, azuŋ a ba seŋ ka te vɛŋ ka neɛzaa vɛŋ ka te enne kyoɔre ka te bare a Baabole zannoo.​—Kanne Yeng Yelibie 29:25; Yel-iriwulaa 14:6, 7.