Ɔnhɔn! N’u sira boon kelen kɔnɔ u dama k’a sɔrɔ kuun bɛrɛ t’o la, u ka teli ka kakalayakow kɛ. O kama, diinan mɔgɔkɔrɔw ka ɲi ka kiti tigɛ u kan.—1 Kor. 6:18.

Tuma o tuma n’o ɲɔgɔn kɛra, diinan mɔgɔkɔrɔw ka ɲi k’u janto ka sɛgɛsɛgɛri kɛ koɲuman k’a filɛ n’u ka ɲi ka kiti tigɛ o balimaw kan. Ɲɛyirali fɛ: Yala o balimaw tun jarabinin lo ɲɔgɔn na wa? U be ɲɔgɔn minɛ cogo min na, yala diinan mɔgɔkɔrɔw tun delila k’u ladi o kosɔn wa? Mun lo y’a to u sira boon kelen kɔnɔ? Yala u tun kɔnna k’o koo labɛn wa? Yala u tun be se ka koow kɛ cogo wɛrɛ la wa? Wala u bolomako tun tɛ sabu barinanko dɔ lo kɛra wa? (Waaj. 9:11). Yala u lara dan na dan na wa? Komi koow tɛ kelen ye, n’a sɔrɔ kunnafoni wɛrɛw be yen diinan mɔgɔkɔrɔw ka ɲi k’u janto minw na ka sɔrɔ k’a filɛ n’u ka ɲi ka kiti tigɛ wala n’u man ɲi k’a tigɛ.

Diinan mɔgɔkɔrɔw ka ɲi k’u janto kunnafoniw bɛɛ la fɔlɔ ka sɔrɔ k’a filɛ n’u ka ɲi ka kiti tigɛ wala n’u man ɲi k’a tigɛ.