Psalmowo 80:1-19
Na henɔ la; ɖe “Dzogbenyawo” ƒe gbe nu. Hena ŋkuɖodzi. Asaf+ ƒe ha.
80 Oo, Israel Kplɔla, ɖo to mí,Wò, ame si le Yosef kplɔm abe alẽha ene.+
Wò, ame si bɔbɔ nɔ kerubiwo dzi,*+Klẽ.*
2 Ðe wò ŋusẽ fia,+Le Efrayim kple Benyamin kpakple Manase ŋkume;Eye va xɔ na mí.+
3 Oo Mawu, gaɖo mí te;+Kɔ mo ɖe mí, ne míakpɔ ɖeɖe.+
4 Aʋakɔwo ƒe Yehowa, ɣekaɣi wò dukɔ ƒe gbedodoɖa aku dzi na wò vevie ase ɖo?+
5 Èna aɖatsi zu abolo na wo,Eye nèna aɖatsi zu nunono na wo kaka wòwu ko na wo.
6 Èna ame siwo ƒo xlã mí le dzre wɔm le mía ta;Eye míaƒe futɔwo ɖea alɔme le mía ŋu ale si dze wo ŋu.+
7 Oo, aʋakɔwo ƒe Mawu, gaɖo mí te;Kɔ mo ɖe mí, ne míakpɔ ɖeɖe.+
8 Èho wainka+ tso Egipte.
Ènya dukɔwo ɖa, eye nètsɔe do.+
9 Èdzra eŋu ɖo,Eye wòƒo ke ɖe to hevu xɔ anyigba la dzi.+
10 Edo vɔvɔli ɖe towo dzi,Eye wòɖe alɔ ɖe Mawu ƒe sedertiwo dzi.
11 Eƒe alɔwo de keke atsiaƒu nu ke,Eye eƒe alɔ fẽwo de Tɔsisi* la nu.+
12 Nu ka tae nèmu glikpɔ le waingble la ŋu,+Ale be ame siwo katã tso eme va yina la nanɔ eƒe tsetsewo gbem?+
13 Gbehawo va fanyanɛ,Eye gbemelãwo va ɖunɛ.+
14 Oo, aʋakɔwo ƒe Mawu, trɔ va dzro.
Bi kɔ tso dziƒo nàkpɔ nu!
Kpɔ wainka sia ta,+
15 Takpoe si nètsɔ wò nuɖusi do,+Eye wò ŋku nanɔ vi* si wò ŋutɔ nèli ke sesĩe la ŋu.+
16 Wolãe, eye wotɔ dzoe.+
Esi nèka mo na wo* la, wotsrɔ̃ ɖa.
17 Wò asi nedo ŋusẽ ame si le wò ɖusime,Amegbetɔvi si wò ŋutɔ nèli ke sesĩe la.+
18 Ekema míate ɖa le ŋuwò o.
Xɔ mí ɖe agbe, ne míayɔ wò ŋkɔ la.
19 Oo aʋakɔwo ƒe Yehowa, gaɖo mí te;Kɔ mo ɖe mí, ne míakpɔ ɖeɖe.+
Etenuŋɔŋlɔ
^ Agate ŋu afia, “kerubiwo dome.”
^ Alo, “Ðe wò keklẽ ɖe go.”
^ Efia, Frat-tɔsisi.
^ Alo, “alɔ.”
^ Alo, “Esi nèklẽ ŋku ɖe wo.”
