1. Oo Yehowa, wò nyuiwɔwɔ

Ðea vi na mí gbe sia gbe.

Mía Fofo si le dziƒowo,

Èwɔa nyui nu sia nu me.

Èvea ’me nu, kpɔa nublanui,

Tsɔa míaƒe nu vɔ̃ kea mí.

Wòe dze na míaƒe tadeagu.

Míetsɔa dzidzɔ subɔa wò.

2. Wò nyuiwɔwɔ la dzena le

Wò subɔlawo dome.

Míeɖenɛ fia l’agbenɔnɔ

Kple gbeƒãɖeɖedɔa me.

Wò nyuiwɔwɔ ŋu nya míagblɔ

N’amewo l’afi sia ’fi.

Míebia wò gbɔgbɔ kɔkɔe la,

Be míanye nyuiwɔla’o ɖaa.

3. Míawɔ nyui na ame sia ’me,

Gake vevietɔ wu la

Na mía nɔvi xɔsetɔwo,

Alɔ̃ wo katã vevie.

Míawɔ nyui le nu sia nu me,

Le ƒomea kple hamea me.

Míaƒe nyuiwɔwɔ la nana

Woakafu wò ŋkɔ gã ɖaa.