HADZIDZI 126
Nɔ Ŋudzɔ, Nɔ Tsitre Sesĩe, Nàsẽ Ŋu
-
1. Nɔ ŋudzɔ, nɔ tsitre, sẽ ŋu,
Nàɖoe kplikpaa ado dzi.
Wɔ ŋutsu, nàlé dzi ɖe ƒo;
Ke àɖu aʋa la dzi.
Míewɔna ɖe Kristo ƒe se dzi,
Míeɖoa toe, nɔa eƒe akpa dzi.
(HAXE)
Nɔ ŋudzɔ, nɔ tsitre, nàsẽ ŋu!
Nɔ edzi yi nuwuwu!
-
2. Nɔ ŋudzɔ, nànɔ mo xexi,
Lɔ̃ toɖoɖo ɣesiaɣi.
Ðo to Kristo ƒe mɔfiame
To eƒe kluvi la dzi.
Míaɖo to hamemetsitsiawo;
Woawoe léa be na mí, alẽawo.
(HAXE)
Nɔ ŋudzɔ, nɔ tsitre, nàsẽ ŋu!
Nɔ edzi yi nuwuwu!
-
3. Nɔ ŋudzɔ, ne míawɔ ɖeka,
Le nya nyuia ta ʋiʋli me.
Ne míaƒe futɔwo gbe hã,
Míayi ŋgɔ le dɔ la me.
Míado ɣli kple Ma’u ƒ’amewo be:
Kpɔ, Yehowa ƒe ŋkekea gogo!
(HAXE)
Nɔ ŋudzɔ, nɔ tsitre, nàsẽ ŋu!
Nɔ edzi yi nuwuwu!
(Kpɔ Mat. 24:13; Heb. 13:7, 17; 1 Pet. 5:8 hã.)
