1. Yehowa nye sitsoƒe;

Eŋu míeɖoa ŋu ɖo.

Eƒe vɔvɔli tsyɔa mí;

Egbɔ ko míabe ɖo.

Eya ŋutɔ axɔ na mí,

Aɖe nuteƒewɔlawo.

Yehowa nye mɔ́ sesẽ,

Eƒe mɔ’o katã le dzɔdzɔe.

2. Ne akpewo dze anyi

Le nye axadzi hã,

Manɔ dedie ɣesiaɣi

Le Ma’u ƒ’ame’o dome.

Míadzo nyanya kple vɔvɔ̃ o,

’Labe vɔ̃ magogo mí o.

Yehowa axɔ na mí;

Eƒ’aʋala te míabe ɖo.

3. Yehowa akpɔ mía ta

Tso mɔ̃tetrewo me.

Míazɔ le dziɖeɖi me

’Fi sia ’fi si míayi.

Ne aŋutrɔ le ʋɔ lũm hã,

Míavɔ̃ ŋɔdzi aɖeke o.

Yehowa nye sitsoƒe,

Ekpɔa mía ta nu sia nu me.