“Mbufo Ẹdi Ata Nti Owo!”
MME NTIENSE JEHOVAH ke Saponara, obio emi odude ke Sicily, ẹma ẹbọ enọ ke ndin̄wam mme owo ke ini mmọn̄ ọkọtọde emen obio oro.
Ke November 22, 2011, mmọn̄ ama ọtọ emen ndusụk obio ke Messina. Mbubreyo usen oro, isọn̄ ama oborode ke Saponara owot owo ita, ekpri eyen kiet ye ikpọ owo iba.
Ke eyo ama ekesiere, Mme Ntiense Jehovah ẹma ẹtọn̄ọ ndikpọri kpukpru mbio ye mbat emi ẹkeyọhọde mme ebiet emi n̄kpọ emi eketịbede.
Mmọ ẹma ẹtiene mbonutom ukara ẹn̄wam mme owo emi ẹkeyomde un̄wam. Mmọ ẹkesụk ẹnanam utom idem ke ini ẹma ẹkekụre ndin̄wam mme owo. Mme Ntiense 50 esịm 80 ẹketiene ẹnam utom emi, ndien ndusụk mmọ ẹkewat ke n̄kpọ nte kilomita 97 ẹka ndin̄wam.
Mbon emi ẹkedụn̄de ke ebiet emi n̄kpọ emi eketịbede ẹma ẹnen̄ede ẹkọm Mme Ntiense. Andikara obio oro ama etịn̄ ediwak ini ete: “Mbufo ẹdi ata nti owo!”
Ke ọfiọn̄ ition ama ekebe, Fabio Vinci emi edide akamba owo ukara ama ọnọ Mme Ntiense Jehovah ke obio oro ediye enọ ke eti utom emi mmọ ẹkenamde.
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Ndi Mme Ntiense Jehovah Ẹsin̄wam Mme Owo ke Ini Afanikọn̄?
Kot ibuotikọ emi man okụt nte isin̄wamde mme owo ke ini afanikọn̄ etịbede, edide mmọ ẹdi Mme Ntiense Jehovah m̀mê idịghe.