Nte Ẹn̄wamde Mbon N̄kpọkọbi
Idụhe usen emi mbon n̄kpọkọbi ke United States mîwetke leta inọ ọfis Mme Ntiense Jehovah idọhọ ẹdikpep mmimọ Bible.
Nnyịn imesibọrọ mmọ inyụn̄ inam ikọt nnyịn ẹkekpep mmọ Bible. Imesinyụn̄ inam ẹkekpep mme owo Bible ke ufọkibọk, mme ebiet emi ẹbonde ndiọi nditọwọn̄, ye mbon oro ẹsin̄wọn̄de ikọn̄ekpo ẹnyụn̄ ẹda n̄kpọsọn̄ ibọk.
Mme Ntiense Jehovah ẹsinịm ikọ Abasi kpukpru ini ke ndusụk ufọk-n̄kpọkọbi. Ke uwụtn̄kpọ, owo 32 ẹma ẹdụk ikọ Abasi emi ikenịmde ke ufọk-n̄kpọkọbi iba.
Esịt esinem nnyịn ndikụt nte emi an̄wamde mbon n̄kpọkọbi. Ete kiet emi ẹkenọde aka nsinsi n̄kpọkọbi ke Indiana ke ntak uwotowo, ama enen̄ede akabade esịt, onyụn̄ ana baptism nte Ntiense Jehovah.
Enyene owo en̄wen emi ẹkesikpepde Bible ke akwa ufọk-n̄kpọkọbi ke California. Ntiense emi esikpepde enye Bible do ọdọhọ ete: “Mmọfiọk nte enye ekesidude uwem ye nte enye odude uwem idahaemi. Ete emi akabade esịt tutu edi se ẹnịmde enye baptism.”
Ediwak mbon n̄kpọkọbi ẹnyịme ndikpep Bible okposụkedi emi ndusụk mbon n̄kpọkọbi eken ẹsiyomde ndiwot mmọ. Ntre, ẹma ẹmen ndusụk mmọ ẹka ufọk-n̄kpọkọbi en̄wen mbak ẹdiwot mmọ.
Enen̄ede enem mme ekpeme ufọk-n̄kpọkọbi ndikụt nte Bible okpụhọrede mme owo. Ndusụk mmọ ẹnọ Mme Ntiense Jehovah n̄weditoro ke eti utom emi mmọ ẹnamde ke ufọk-n̄kpọkọbi mmimọ.
Ekeme Ndidi Ayama Mmọ Emi N̄ko
NTE IN̄WAMDE MME OWO KE OBIO
Owo N̄kpọkọbi Akabade Owo Ndien
Donald emi ekedide owo n̄kpọkọbi etịn̄ nte ukpepn̄kpọ Bible akanamde imọ ididiọn̄ọ Abasi, ikabade esịt, inyụn̄ idi eti ebe.
NTE IN̄WAMDE MME OWO KE OBIO
Ẹn̄wam Mbon N̄kpọkọbi
Se nte Bible okpụhọrede mbon n̄kpọkọbi anam mmọ ẹdu uwem nte nditọ owo.