N̄wed Ndise Bible
Ediye ekpri n̄wed ‘Kụt Eti Isọn̄’ edi n̄wed ndise Bible emi enyenede ediwak ndise emi ẹtịn̄de ẹban̄a ke Bible. Ndida n̄wed emi n̄kpep Bible ayanam se afo ekpepde enen̄ede an̄wan̄a fi. Bible etịn̄ n̄kpọ aban̄a ediwak itie, mme obio, ye mme idụt. N̄wed emi ayanam se okotde onyụn̄ ekpepde ke Bible etetịm enem fi. Enye ayanam okụt mme itie oro ẹtịn̄de ẹban̄a ke Bible onyụn̄ anam etie nte ke afo odu do. Enye oyonyụn̄ an̄wam fi okụt nte mme itie oro ẹtin̄de ẹban̄a ke Bible eketiede, ye nte oro akanamde se iketịbede ke itie oro etịbe.
Ediye ekpri n̄wed ‘Kụt Eti Isọn̄’ enyene mme ndise obio ye mme chart oro ẹdọn̄de kọlọ, emi ẹwụtde nsio nsio ebiet oro ẹtịn̄de ẹban̄a ke Bible. Enye enyene n̄ko mme ndise oro ẹdade kọmputa ẹdrọ man etie nte ata ndise ye ediwak n̄kpọ eken oro ẹdinamde se afo ekpepde ke Bible enen̄ede enem fi.
N̄wed ndise Bible emi ayan̄wam fi
ọfiọk usụn̄ emi Abraham, Isaac, ye Jacob ẹkesisan̄ade
ọfiọk usụn̄ emi nditọ Israel ẹkesan̄ade ini mmọ ẹkewọrọde ke Egypt ẹka Isọn̄ Un̄wọn̄ọ
okụt nte idụt Israel okoyomde usụn̄ ọkpọn̄ idụt mme asua mmọ
okụt mme ebiet oro Jesus akasan̄ade ọkwọrọ ikọ
ọfiọk nte mme obio ukara oro ẹsiakde ke Bible ẹkekponde ẹketre, utọ nte Babylon, Greece, ye Rome
Edieke akade jw.org, oyokụt n̄wed ndise Bible emi ke Watchtower LIBRARY EKE INTANET, enye edi ke mfọn.
Ekeme Ndidi Ayama Mmọ Emi N̄ko
SE AKPADADE EKPEP BIBLE
Itie N̄wed Abasi Eke Usen ke Usen
Ẹdụn̄ọde N̄wed Abasi ke Usen ke Usen onyụn̄ etie nte mme n̄wed ufọkabasi oro ẹsikotde kpukpru usenubọk, enye enyene itien̄wed Abasi emi oyomde ẹneme kpukpru usen ye se ẹtịn̄de ẹban̄a itien̄wed Abasi oro.
SE AKPADADE EKPEP BIBLE
N̄wed Emi Etịn̄de N̄kpọ Aban̄a Bible
N̄wed Insight on the Scriptures anam ata ediwak n̄kpọ ke Bible enen̄ede an̄wan̄a. Enye etịn̄ n̄kpọ aban̄a mme owo, mme itie, mme eto ye mbiet, mme unam, mme akpan n̄kpọ oro ẹketịbede, ye mme ikọ oro ẹdude ke Bible. Enye oro afo ekemede ndisio ke jw.org esịne ndise obio, nsio nsio ndise, nsio nsio ibuotikọ ye mme itien̄wed Bible oro ẹwetde ke adiana ke adiana.
SE AKPADADE EKPEP BIBLE
N̄wed Emi Etịn̄de Se Idude ke Bible Ibio Ibio
Ediye ekpri n̄wed Nso Idi Etop Bible? etịn̄ se idude ke Bible ibio ibio onyụn̄ anam ẹfiọk ibuotikọ Bible.