2 Ndidem 17;1-41
17 Ke ọyọhọ isua duopeba emi Ahaz edidem Judah akarade, Hoshea+ eyen Elah akabade edi edidem ke Samaria+ onyụn̄ akara Israel ke isua usụkkiet.
2 Ndien enye aka iso anam se idiọkde ke enyịn Jehovah, edi inamke nte ndidem Israel emi ẹkebemde enye iso ẹdu.+
3 Enye ke Shalmaneser+ edidem Assyria+ akada en̄wan ọdọk etiene, ndien Hoshea akabade edi asan̄autom esie onyụn̄ ekpe utomo+ ọnọ enye.
4 Nte ededi, edidem Assyria edifiọk ke Hoshea odụk odu+ koro enye ọkọdọn̄de mme isụn̄utom ọnọ So edidem Egypt+ okonyụn̄ etrede ndikpe utomo nnọ edidem Assyria nte ekesinamde ke mme isua emi ẹkebede. Ntem edidem Assyria okụk enye esịn ke ufọk n̄kọbi-ntem.+
5 Ekem edidem Assyria ọdọk edi en̄wan ye ofụri isọn̄ oro onyụn̄ akan Samaria okụk+ ke isua ita.
6 Ke ọyọhọ isua usụkkiet emi Edidem Hoshea akarade, edidem Assyria an̄wana akan Samaria+ onyụn̄ ada Israel aka ntan̄mfep+ ke Assyria onyụn̄ anam mmọ ẹdụn̄ ke Halah+ ye ke Habor ke Akpa Gozan+ ye ke mme obio mbon Media.+
7 Ndien edikem koro nditọ Israel ẹkenamde idiọkn̄kpọ+ ẹdue Jehovah Abasi mmọ emi akadade mmọ ọwọrọ ke isọn̄ Egypt okonyụn̄ osion̄ode mmọ ke ubọk Pharaoh edidem Egypt,+ ẹnyụn̄ ẹbakde mme abasi efen;+
8 ẹsan̄ade ke mme ewụhọ+ idụt emi Jehovah ekebịnde osion̄o ke iso nditọ Israel, ye ke mme ewụhọ oro ndidem Israel ẹkenamde;
9 nditọ Israel ẹnyụn̄ ẹsịn idem ke mme n̄kpọ oro mîfọnke Jehovah Abasi+ mmọ ke enyịn, ẹnyụn̄ ẹbọp mme edikon̄ ebiet+ ẹnọ idemmọ ke kpukpru obio mmọ, ọtọn̄ọde ke tọwa+ mbon ukpeme tutu esịm obio ibibene;
10 mmọ ẹwụk mme adaha utuakibuot+ ye mme eto utuakibuot+ ẹnọ idemmọ ke kpukpru edikon̄ obot+ ye ke idak kpukpru eto eke ẹsehede;+
11 ndien mmọ ẹnam nsụn̄ikan̄ uwa ọwọrọ ọdọk ke kpukpru edikon̄ ebiet kpa nte mme idụt+ emi Jehovah akadade aka ntan̄mfep ke ntak mmọ, mmọ ẹnyụn̄ ẹnam se idiọkde man ẹyat Jehovah esịt;+
12 Ndien mmọ ẹka iso ẹnam n̄kpọ ẹnọ mme mbubiam mbiet,+ emi Jehovah ọkọdọhọde mmọ ete: “Mbufo ẹkûnam n̄kpọ emi”;+
13 ndien Jehovah ada kpukpru mme prọfet+ esie ye kpukpru mme okụt-n̄kukụt+ odụri Israel+ ye Judah+ utọn̄, ete: “Mbufo ẹwọn̄ọde ẹkpọn̄ mme idiọk usụn̄+ mbufo ẹnyụn̄ ẹnịm mme ibet+ mi ye mme ewụhọ+ mi, nte ekemde ye kpukpru se n̄kowụkde mme ete ete mbufo,+ n̄konyụn̄ ndade mme asan̄autom mi kpa mme prọfet n̄wụk mbufo”;+
14 ndien mmọ ikpan̄ke utọn̄ edi ẹsọn̄ obotitọn̄+ nte mme ete ete mmọ emi mîkọbuọtke idem+ ye Jehovah Abasi mmọ;
15 ndien mmọ ẹsịn mme ewụhọ esie ye ediomi+ oro enye okodụkde ye mme ete ete mmọ ye mme ikọ ntiense+ oro enye akadade odụri mmọ utọn̄, edi mmọ ẹtiene mme ikpîkpu mbiet+ ẹnyụn̄ ẹkabade ẹdi ikpîkpu,+ ẹkpebe mme idụt oro ẹkedude ẹkan mmọ ẹkụk, emi Jehovah okowụkde mmọ ete ẹkûbiet mmọ;+
16 Ndien mmọ ẹkpọn̄ kpukpru mme ewụhọ+ Jehovah Abasi mmọ ẹkenam mme editara mbiet,+ kpa nditọ enan̄ iba,+ ẹnọ idemmọ, ẹnyụn̄ ẹnam eto utuakibuot,+ ndien ẹnụhọ ẹnọ kpukpru mme udịm enyọn̄+ ẹnyụn̄ ẹnam n̄kpọ Baal;+
17 ndien mmọ ẹfọp nditọiren mmọ ye nditọiban mmọ ke ikan̄,*+ ẹbre idiọn̄+ ẹnyụn̄ ẹmụm ndomo,+ ndien ẹnyam+ idemmọ ẹnọ ndinam se idiọkde ke enyịn Jehovah, man ẹyat enye esịt;+
18 Ndien Jehovah ayat esịt+ etieti ye Israel, onyụn̄ emen mmọ efep ke iso esie.+ Enye iyakke baba owo kiet osụhọ ibọhọke esien Judah kpọt.+
19 Judah n̄ko ikenịmke mme ewụhọ Jehovah Abasi+ mmọ, edi mmọ ẹkesan̄a ke mme ewụhọ oro Israel+ ẹkenịmde.
20 Ntem Jehovah esịn kpukpru mfri+ Israel onyụn̄ otụhọde mmọ, ayak mmọ esịn ke ubọk mme andibụme mmọ, tutu enye ebịn mmọ efep ke iso esie.+
21 Koro enye ama adian̄ade Israel ọkpọn̄ ufọk David, mmọ ẹnyụn̄ ẹnịm Jeroboam eyen Nebat ke edidem; ndien Jeroboam+ anam Israel ẹtre nditiene Jehovah, onyụn̄ esịn mmọ ẹnam akwa idiọkn̄kpọ.+
22 Ndien nditọ Israel ẹka iso ẹsan̄a ke mme idiọkn̄kpọ oro Jeroboam akanamde.+ Mmọ ikosion̄oke idem ikpọn̄,
23 tutu Jehovah emen Israel efep ke iso esie,+ nte enye eketịn̄de ebe ke kpukpru mme asan̄autom esie kpa mme prọfet.+ Ntre Israel ọkpọn̄ isọn̄ esie aka ntan̄mfep ke Assyria tutu esịm mfịn emi.+
24 Ekem edidem Assyria ada mme owo ke Babylon+ ye Cuthah ye Avva+ ye Hamath+ ye Sepharvaim+ edi onyụn̄ anam mmọ ẹdụn̄ ke mme obio Samaria+ utu ke ndinam nditọ Israel ẹdụn̄; ndien mmọ ẹda Samaria ẹnyene ẹnyụn̄ ẹdụn̄ ke mme obio esie.
25 Ndien mmọ ikabakke+ Jehovah ke ini mmọ ẹketọn̄ọde ndidụn̄ do. Ntem Jehovah osion̄o ekpe+ ọdọn̄ ke otu mmọ, ndien mme ekpe oro ẹwot mmọ.
26 Ntre mmọ ẹdọn̄ ẹkedọhọ edidem Assyria ẹte: “Mme idụt emi afo akadade aka ntan̄mfep okonyụn̄ anamde ẹdụn̄ ke mme obio Samaria idiọn̄ọke ido ukpono Abasi idụt oro, ntre enye osion̄o ekpe ọdọn̄ ke otu mmọ;+ ndien, sese! mme ekpe oro ke ẹwot mmọ, adan̄a nte mmọ baba kiet mîdiọn̄ọke ido ukpono Abasi idụt oro.”
27 Ndien edidem Assyria owụk ete: “Yak kiet ke otu mme oku+ emi mbufo ẹkedade ẹka ntan̄mfep aka okodụn̄ do onyụn̄ ekpep mmọ ido ukpono Abasi idụt oro.”
28 Ntem kiet ke otu mme oku emi mmọ ẹkedade ke Samaria ẹka ntan̄mfep edi edidụn̄ ke Bethel,+ onyụn̄ ekpep mmọ nte mmọ ẹkpebakde Jehovah.+
29 Nte ededi, idụt kiet kiet ẹnam abasi+ idemmọ, ekem ẹmen ẹkenịm ke ufọk edikon̄ ebiet emi mbon Samaria ẹkebọpde, ntem ke idụt kiet kiet ẹkenam ke mme obio oro mmọ ẹdụn̄de.
30 Ndien mbon Babylon ẹnam Succoth-benoth, mbon Cuth+ ẹnyụn̄ ẹnam Nergal, mbon Hamath ẹnam Ashima.
31 Mbon Avva+ ẹnam Nibhaz ye Tartak; ndien mbon Sepharvaim+ ẹsifọp nditọiren mmọ ke ikan̄+ ẹnọ Adrammelech ye Anammelech mme abasi Sepharvaim.
32 Ndien mmọ ẹkabade ẹdi mme andibak Jehovah ẹnyụn̄ ẹsio mme owo ke otu mbio obio ẹnam ẹdi mme oku+ ke mme edikon̄ ebiet, ndien mmọ ẹnam utom ẹnọ mmọ ke ufọk edikon̄ ebiet.
33 Mmọ ẹkedi mme andibak Jehovah,+ edi ẹketuak ibuot ẹnọ mme abasi idemmọ,+ nte asan̄ade ekekem ye ido ukpono mme idụt oro ẹkedade mmọ ẹka ntan̄mfep.+
34 Tutu esịm mfịn emi mmọ ẹsụk ẹsan̄a ke usụn̄ n̄kani ido ukpono mmọ.+ Baba owo mmọ kiet ibakke Jehovah+ inyụn̄ isan̄ake ke mme ewụhọ esie ye mme ubiereikpe+ esie ye mme ibet+ oro Jehovah ọkọnọde nditọ Jacob,+ emi okosiode enyịn̄ Israel;+
35 ke ini Jehovah okodụkde ediomi+ ye mmọ onyụn̄ owụkde mmọ ete: “Mbufo ẹkûbak mme abasi efen,+ ẹkûnyụn̄ ẹnụhọ ẹnọ mmọ, ẹkûnam n̄kpọ mmọ, ẹkûnyụn̄ ẹwa uwa ẹnọ mmọ.+
36 Edi, Jehovah emi akadade mbufo ke ọkpọsọn̄ odudu esie ye edinyanade ubọk+ esie ọwọrọ ke isọn̄ Egypt edi Enye emi mbufo ẹdibakde,+ ẹnyụn̄ ẹtuak ibuot ẹnọ,+ kpa enye ke mbufo ẹdinyụn̄ ẹwa uwa ẹnọ.+
37 Ndien mme ewụhọ+ ye mme ubiereikpe+ ye mme ibet emi enye ekewetde ọnọ mbufo,+ mbufo ẹkpeme ndinam mmọ kpukpru ini;+ mbufo ẹkûnyụn̄ ẹbak mme abasi efen.
38 Ẹkûfre ediomi oro n̄kodiomide ye mbufo;+ ẹkûnyụn̄ ẹbak mme abasi efen.+
39 Edi ẹbak Jehovah+ Abasi mbufo, koro edi enye edinyan̄a mbufo osio ke ubọk kpukpru mme asua mbufo.”+
40 Ndien mmọ ikopke uyo esie, edi mmọ ẹnam kpa nte ẹkesinamde ke akani ido ukpono mmọ.+
41 Ndien mme idụt emi ẹkabade ẹdi mme andibak Jehovah,+ edi ẹnam n̄kpọ ẹnọ ndisọi mbiet mmọ. Amaedi nditọ mmọ ye nditọ nditọ mmọ, kpa nte mme ete ete mmọ ẹkenamde, ntre ke mmọ ẹnam tutu esịm mfịn emi.
Mme Ikọ Idakisọn̄
^ At. Ed., “ẹnam nditọ mmọ ẹbe ke ikan̄.”
