Mme N̄ke 22;1-29
22 Ọfọn ndimek eti enyịn̄ akan ediwak inyene;+ ndinyene unyịme ọfọn akan silver ye gold.+
2 Imọ owo ye ubuene ẹdi ukem.+ Andinam mmọ kpukpru edi Jehovah.+
3 Owo mbufiọk ada okụt afanikọn̄ ndien edịbe,+ edi ọkọi ebe aka ọkọbọ ufen.+
4 Utịp nsụhọdeidem ye uten̄e Jehovah edi inyene ye ubọn̄ ye uwem.+
5 N̄kukịm ye afia ẹna ke usụn̄ owo eke akwan̄ade;+ owo eke ekpemede ukpọn̄ esie ada nsannsan ọkpọn̄ mmọ.+
6 Teme eyenọwọn̄ ke usụn̄ emi odotde ye enye;+ ke ini enye akabarede akani owo, enye idiwọn̄ọkede ikpọn̄ enye.+
7 Imọ owo edi andikara mme ubuene,+ andibọ ebuọt onyụn̄ edi ofụn andinọ ebuọt.+
8 Owo eke ọtọde ukwan̄ido ọyọdọk ibak,+ ndien esan̄ ifụtesịt esie eyesịm utịt.+
9 Owo eke enyenede enyịn mfọnido ọyọbọ edidiọn̄, koro enye ọnọde usụhọde owo udia esie.+
10 Bịn asak-nsahi fep, man utọk okụre, ikpe ye esuene ẹnyụn̄ ẹtre.+
11 Owo eke amade edisana esịt+—ndinem ikọ inua esie ẹyenam edidem edi ufan esie.+
12 Enyịn Jehovah ekpeme ifiọk,+ edi enye oyụt ikọ owo abian̄a akabade enịm.+
13 Ifu ọdọhọ ete:+ “Ekpe do ke an̄wa!+ Oyowot mi ke ufọt an̄wa obio!”
14 Inua esen an̄wan edi editụn̄ọ ukpe.+ Owo emi Jehovah obiomde ikpe ọyọduọ odụk ke esịt.+
15 Ndisịme ido eyịre ke esịt eyenọwọn̄;+ eto ntụnọ oyosio emi ke esịt esie ọduọk anyan usụn̄.+
16 Owo eke otụkde usụhọde owo man enye ke idemesie enyene ediwak n̄kpọ,+ ye owo eke ọnọde imọ owo n̄kpọ, itreke ndidu ke unana.+
17 Biọn̄ utọn̄ nyụn̄ kop ikọ mbon ọniọn̄,+ man ifiọk mi odu fi ke esịt.+
18 Koro ọfọn afo ndisịn mmọ ke idịbi fo,+ man mmọ ẹsọn̄ọ ẹdu ọtọkiet ke n̄kpọkinua fo.+
19 Mmọnọ fi ifiọk mfịn emi man afo ọbuọt idemfo ye Jehovah.+
20 Nte n̄kewetke n̄wed emi esịnede item ye ifiọk nnọ fi ini kiet ko,+
21 man n̄wụt fi nte ikọ akpanikọ enyenede nsọn̄ọ, man afo ada ikọ akpanikọ afiak ọsọk owo emi ọdọn̄de fi?+
22 Kûtụk usụhọde owo koro enye edide usụhọde owo,+ kûnyụn̄ utụk owo ukụt ke inuaotop.+
23 Koro Jehovah eyekpe ikpe mmọ,+ ndien enye oyosobo ukpọn̄ mbon oro ẹwode mmọ.+
24 Kûdụk nsan̄a ye owo ekededi eke ọsọpde iyatesịt;+ kûnyụn̄ udụk ndụk ye owo ifụtesịt,
25 mbak afo udumehe ye usụn̄ esie unyụn̄ usịn ukpọn̄ fo ke afia.+
26 Kûdu ke otu mbon oro ẹnọde owo ubọk,+ kpa mmọ eke ẹtiede ubiọn̄ ẹnọ owo ke ebuọt.+
27 Edieke mûnyeneke se ekpede, ntak emi enye ekpemende bed emi afo anade ke esịt?
28 Kûsịk adan̄a eset, emi mme ete ete fo ẹkenịmde.+
29 Nte afo omokụt owo emi enyenede usọ ke utom esie? Enye edida ke iso ndidem;+ ididaha ke iso mme usụhọde owo.
