Ephesus 5;1-33
5 Mmọdo, ẹdi mme andikpebe Abasi,+ nte ndima nditọ,
2 ẹnyụn̄ ẹka iso ẹsan̄a ke ima,+ kpa nte Christ n̄ko akamade mbufo+ okonyụn̄ ayakde idemesie ọnọ ke ibuot mbufo, nte enọ+ ye uwa eke ẹdade ẹsọk Abasi, emi osiode edinem utebe.+
3 Ẹkûdedei ẹtịn̄ ẹban̄a use+ ye orụk mbubiam ido ekededi m̀mê idiọkitọn̄+ ke otu mbufo,+ kpa nte odotde ndisana owo;+
4 ẹkûnyụn̄ ẹdedei ẹtịn̄ ẹban̄a esuene esuene ido+ m̀mê ndisịme ikọ m̀mê ikọ idiọk+ mbubru, kpa mme n̄kpọ eke mîdotke, edi utu ke oro ẹnọ ekọm.+
5 Koro mbufo ẹmefiọk emi, ẹnyụn̄ ẹtịm ẹdiọn̄ọ ẹte, baba owo use+ kiet m̀mê owo emi edehede m̀mê owo idiọkitọn̄+—emi ọwọrọde ndidi okpono ndem—inyeneke udeme ke obio ubọn̄ Christ ye eke Abasi.+
6 Ẹkûyak owo baba kiet ada ikpîkpu ikọ abian̄a mbufo,+ koro ke ntak mme n̄kpọ oro ẹkebemde iso ẹtịn̄ mi iyatesịt Abasi ke edi ndidoro nditọ ntụtutọn̄+ ke idem.
7 Ke ntre ẹkûnyene n̄kpọ ndinam ye mmọ;+
8 koro mbufo ẹkedi ekịm+ ini kiet ko, edi idahaemi mbufo ẹdi un̄wana+ ke Ọbọn̄. Ẹka iso ẹsan̄a nte nditọ un̄wana,
9 koro mbun̄wụm un̄wana esịne kpukpru orụk eti ido ye edinen ido ye akpanikọ.+
10 Ẹka iso ẹdụn̄ọde ẹfiọk se Ọbọn̄ enyịmede;+
11 ẹnyụn̄ ẹtre ndibuana+ ye mmọ ke mme utom eke mîn̄wụmke mfri emi ẹnyenede ebuana ye ekịm,+ edi, utu ke oro, ẹka iso ẹsua ẹnọ+ mmọ,
12 koro edi n̄kpọ bụt nditịn̄ mban̄a mme n̄kpọ oro mmọ ẹnamde ke ndịbe.+
13 Edi ẹyarade kpukpru n̄kpọ oro ẹsuade+ ke un̄wana, koro kpukpru n̄kpọ eke ẹyararede+ ẹdi un̄wana.
14 Ntem enye ọdọhọ ete: “Demede,+ O afo emi edede idap, nyụn̄ set ke n̄kpa,+ ndien Christ ayayama+ ọnọ fi.”
15 Ntre ẹtịm ẹkpeme nte mbufo ẹsan̄ade,+ mbak ẹdisan̄a nte mbon ndisịme edi ẹsan̄a nte mbon ọniọn̄,
16 ẹdedep ifet+ ẹnọ idem mbufo, koro mme usen ẹdiọkde.+
17 Mmọdo, ẹtre ndidi mme anana-ibuot owo, edi ẹka iso ẹfiọk+ se uduak+ Jehovah edide.
18 N̄ko, ẹkûkpa mmịn,+ koro emi esidade esịm etịme etịme ido,+ edi ẹka iso ẹyọhọ ye spirit,+
19 ẹda psalm+ ye itoro+ ye ikwọ eke spirit ẹneme ye kiet eken, ẹkwọde+ ikwọ ẹnyụn̄ ẹdade ikwọ+ ke esịt mbufo ẹnam edinem uyom ẹnọ Jehovah,
20 ẹnọde Abasi ye Ete nnyịn ekọm+ kpukpru ini ẹban̄a kpukpru n̄kpọ ke enyịn̄ Ọbọn̄ nnyịn Jesus Christ.
21 Ẹsụk ibuot ẹnọ kiet eken+ ke uten̄e Christ.
22 Yak iban ẹsụk ibuot+ ẹnọ mme ebe mmọ nte ẹnam ẹnọ Ọbọn̄,
23 koro ebe edide ibuot ọnọ n̄wan+ esie kpa nte Christ n̄ko edide ibuot ọnọ esop,+ ke emi enye edide andinyan̄a idem emi.
24 Ke akpanikọ, nte esop osụkde ibuot ọnọ Christ, yak iban ẹtie kpasụk ntre n̄ko ye mme ebe mmọ ke kpukpru n̄kpọ.+
25 Mme ebe, ẹka iso ẹma iban+ mbufo, kpa nte Christ n̄ko akamade esop onyụn̄ ayakde idemesie ọnọ ke ibuot esie+
26 man Enye akpanam enye asana,+ adade ikọ Abasi nte mmọn̄ eyet enye,+
27 man Enye akpada enye ọnọ idemesie nte esop emi ọyọhọde ye ubọn̄,+ mînyeneke ntọi mînyụn̄ in̄wịneke m̀mê ndinyene n̄kpọ ekededi eke etiede ntre, edi man enye asana onyụn̄ anana ndo.+
28 Ntem ke mme ebe ẹkpema iban mmọ nte idem mmọ. Owo eke amade n̄wan esie ama idemesie,
29 koro akananam baba owo kiet isuaha obụkidem esie; edi ọbọbọk onyụn̄ ama enye,+ kpa nte Christ n̄ko anamde ye esop,
30 koro nnyịn idi ndido idem+ esie.
31 “Ke ntak emi erenowo ọyọkpọn̄ ete esie ye eka esie, onyụn̄ akadiana ye n̄wan esie, ndien mmọ mbiba ẹyekabade ẹdi obụk kiet.”+
32 Edisana ndịben̄kpọ+ emi okpon. Ami ntịn̄ mban̄a Christ ye esop.+
33 Edi yak owo mbufo kiet kiet enen̄ede ama n̄wan+ esie nte enye amade idem esie; ke n̄kan̄ eken, yak n̄wan enen̄ede okpono+ ebe esie.
