Psalm 111;1-10
111 Mbufo ẹtoro Jah!+
א [ʼAleph]
Ami nyotoro Jehovah ke ofụri esịt mi+
ב [Behth]
Ke otu+ ndinen owo ye ke esop.+
ג [Gimel]
2 Mme utom Jehovah ẹkponi,+
ד [Daleth]
Kpukpru mbon oro ẹmade mmọ ẹdụn̄ọde mmọ.+
ה [Heʼ]
3 Utom+ esie enyene uku ye ubọn̄,+
ו [Waw]
Edinen ido esie onyụn̄ ada ke nsinsi.+
ז [Zayin]
4 Enye anam ẹti mme utịbe utom esie.+
ח [Chehth]
Jehovah ọfọn ido onyụn̄ atua owo mbọm.+
ט [Tehth]
5 Enye ọnọ mmọ eke ẹbakde enye udia.+
י [Yohdh]
Enye eyeti ediomi esie ke nsinsi.+
כ [Kaph]
6 Enye asian ikọt esie odudu utom esie,+
ל [Lamedh]
Ke ndinọ mmọ udeme mme idụt.+
מ [Mem]
7 Mme utom ubọk esie ẹdi akpanikọ ye edinen;+
נ [Nun]
Kpukpru mme ewụhọ emi enye ọnọde ẹdi se ẹkemede ndiberi edem,+
ס [Samekh]
8 Ẹmesọn̄ọ ẹmụm mmọ ẹkama ke nsinsi,+
ע [ʽAyin]
Ẹnam mmọ ke akpanikọ ye ke edinen ido.+
פ [Peʼ]
9 Enye ọnọ ufak ẹsọk ikọt esie.+
צ [Tsadheh]
Enye owụk ediomi esie ke nsinsi.+
ק [Qohph]
Enyịn̄ esie asana onyụn̄ enyene uten̄e.+
ר [Rehsh]
10 Ndibak Jehovah edi ntọn̄ọ ọniọn̄.+
ש [Sin]
Kpukpru mbon oro ẹnịmde ewụhọ esie ẹnyene ata ikike.+
ת [Taw]
Itoro esie ododu ke nsinsi.+
