Psalm 56;1-13
Ẹnọ adausụn̄ ke Imụm Ibiom ke otu mmọ eke ẹdude nsannsan. Eke David. Miktam. Ke ini mbon Philistia ẹkemụmde enye ke Gath.+
56 Tua mi mbọm, O Abasi, koro owo okpobide mi ke inua.+Enye an̄wana ekọn̄ kpukpru usen, aka iso efịk mi.+
2 Mme asua mi ẹkpobi mi ke inua kpukpru usen,+Koro odu ediwak owo emi ẹkohorede idem ẹn̄wana ye ami.+
3 Usen ekededi oro n̄kopde ndịk, ami nyọbuọt idem ye afo.+
4 Sia ndianade ye Abasi, ami nyotoro ikọ esie.+Mmọbuọt idem ye Abasi; ndikopke ndịk.+Nso ke owo ekeme ndinam mi?+
5 Mmọ ẹnam ibak ke mbubehe mi kpukpru usen;Kpukpru se mmọ ẹkerede ẹban̄a mi ẹdi idiọk.+
6 Mmọ ẹn̄wana ẹnyụn̄ ẹdịbe,+Mmọ ẹkpeme ikpatisan̄ mi,+Ke adan̄aemi mmọ ẹbetde ukpọn̄ mi.+
7 Men mmọ duọk ke ntak ibak mmọ.+O Abasi, da iyatesịt fo sụhọde mbon emi nịm.+
8 Afo omobụk aban̄a nyon̄ mi.+Sịn mmọn̄eyet mi ke ekpeme ikpa fo.+Nte mmọ idụhe ke n̄wed fo?+
9 Adan̄aoro mme asua mi ẹyefiak edem, ke usen oro ndikotde;+Ami mmetịm mfiọk emi, nte ke Abasi ada ye ami.+
10 Sia ndianade ye Abasi,+ ami nyotoro ikọ esie;Sia ndianade ye Jehovah, ami nyotoro ikọ esie.+
11 Mmọbuọt idem ye Abasi. Ndikopke ndịk.+Nso ke owo ekeme ndinam mi?+
12 O Abasi, ami mmakan̄a akan̄a nnọ fi.+Ami nyawa mme uwa ekọm nnọ fi.+
13 Koro afo amanyan̄a ukpọn̄ mi osio ke n̄kpa+—Nte idịghe afo anyan̄a ikpat mi mbak edifiọnọde?+—Man nsan̄a ke iso Abasi ke un̄wana mbon oro ẹdude uwem.+
