Psalm 68;1-35
Ẹnọ adausụn̄. Eke David. Ikwọ.
68 Yak Abasi adaha ke enyọn̄,+ yak mme asua esie ẹsuana,+Ndien yak mmọ eke ẹnen̄erede ẹsua enye ẹfen̄e ke iso esie.+
2 Afo akpakam asuan mmọ nte ofụm asuande nsụn̄ikan̄;+Nte obukpa atarade ke ikan̄,+Yak mme idiọkowo ẹtak ke iso Abasi.+
3 Edi amaedi ndinen owo, yak mmọ ẹdara,+Yak mmọ ẹdat esịt ke iso Abasi,+Yak mmọ ẹnyụn̄ ẹbre ke idatesịt.+
4 Mbufo ẹkwọ ikwọ ẹnọ Abasi, ẹkwọ edinem ikwọ ẹnọ enyịn̄ esie;+Ẹkwọ ikwọ ẹnọ Enye emi awatde ebe ke unaisọn̄ desat+Nte Jah, emi edide enyịn̄ esie;+ ẹnyụn̄ ẹnam idara ke iso esie;
5 Ete nditọakpa ye ebiereikpe mme ebeakpa+Edi Abasi emi odude ke edisana ebietidụn̄ esie.+
6 Abasi anam mme ikpọn̄ owo ẹdụn̄ ke ufọk;+Enye osion̄o mbon n̄kpọkọbi anam ẹnen̄ede ẹforo.+Edi, amaedi mbon nsọn̄ibuot, mmọ ẹdidụn̄ ke edisat isọn̄.+
7 O Abasi, ke ini afo akadade ikọt fo ọwọrọ,+Ke ini afo akasan̄ade ke desat ebe+—Selah—
8 Isọn̄ ama enyek,+Enyọn̄ n̄ko ọtọi mmọn̄ ke iso Abasi;+Sinai emi enyek ke iso Abasi,+ kpa Abasi Israel.+
9 O Abasi, afo ama anam ọkpọsọn̄ edịm edep;+Ke ini ikọt fo ẹkekpọtde, afo ama afiak ọsọn̄ọ mmọ idem.+
10 Obio tent fo+—do ke mmọ ẹkedụn̄;+O Abasi, afo ama ada eti ido fo anam enye ọnọ owo ukụt.+
11 Jehovah ọnọ uyo;+Iban emi ẹtan̄ade eti mbụk ẹdi akwa udịm.+
12 Ndidem udịmekọn̄ ẹfen̄e, mmọ ẹmefen̄e.+Ndien n̄wan emi osụhọde ke ufọk enyene udeme ke mbụme.+
13 Okposụkedi emi mbufo ẹnade ke mme ebok ntọn̄ otụn̄ikan̄ ke itienna,Mbufo ẹyenyene mme mba ibiom emi ẹfụkde silverẸnyụn̄ ẹfụkde mbuaha utouto ye awawa gold ke mme ntan̄ esie.+
14 Ke ini Enye emi edide Ata Ọkpọsọn̄ asuande ndidem ke esịt,+Snow ọtọn̄ọ ndidep ke Zalmon.+
15 Ikpehe Bashan+ emi etiede obot obot edi obot Abasi;+Ikpehe Bashan emi etiede obot obot edi obot emi enyenede ediwak etịn̄e.+
16 O mbufo mme obot emi ẹnyenede ediwak etịn̄e, ntak emi mbufo ẹsịnde enyịnKe obot emi Abasi oyomde ndidụn̄ ke esịt?+Jehovah oyodụn̄ do ke nsinsi.+
17 Mme chariot ekọn̄ Abasi ẹdi ediwak tọsịn ke mme itie duop, anana-ibat tọsịn.+Jehovah omoto Sinai edi ke edisana ebiet.+
18 Afo ọmọdọk ke enyọn̄;+Afo amada mbuotekọn̄ ọnyọn̄;+Afo amatan̄ irenowo nte enọ,+Ih, mbon nsọn̄ibuot n̄ko,+ man afo odụn̄ ke otu mmọ,+ O Jah Abasi.
19 Itoro enyene Jehovah, emi obiomde mbiomo nnyịn ke usen ke usen,+Kpa ata Abasi edinyan̄a nnyịn.+ Selah.
20 Ata Abasi edi Abasi emi anyan̄ade nnyịn;+Ndien Jehovah kpa Akakan Ọbọn̄ Andikara+ ọmọfiọk usụn̄ ndinam owo oto n̄kpa ọwọrọ edi.+
21 Ke akpanikọ Abasi ayasuan mme asua esie ibuot mbai mbai,+Kpa idet idet etịn̄ibuot owo ekededi eke asan̄ade ke idiọk ido esiemmọ.+
22 Jehovah ọdọhọ ete: “Nyada mmọ ke Bashan mfiak ndi,+Nyosion̄o mmọ ke udem inyan̄ mfiak ndi,+
23 Man afo ekpeyet ukot fo ke iyịp,+Edeme mme ebua fo ẹkpenyụn̄ ẹdei iyịp mme asua.”+
24 Mmọ ẹmekụt udịm isan̄ fo, O Abasi,+Kpa udịm isan̄ Abasi mi, Edidem mi, emi asan̄ade odụk edisana ebiet.+
25 Mme ọkwọikwọ ẹbe iso, mme ebre ndido urụk ẹtiene mmọ ke edem;+Mme n̄kaiferi emi ẹmiade ekọmọ ẹsịne ufọt.+
26 O mbufo emi ẹtode Ntọn̄ọ Israel, ẹtoro Abasi,+Mbufo ẹtoro Jehovah, ke otu mbon esop.+
27 Ekpri Benjamin emi akarade mmọ odu do,+Mbọn̄ Judah ye otuowo mmọ emi ẹyomode uyom,Mbọn̄ Zebulun, mbọn̄ Naphtali.+
28 Abasi fo ọmọnọ ewụhọ aban̄a odudu fo.+Wụt odudu, O Abasi, afo emi anamde n̄kpọ ọnọ nnyịn.+
29 Ke ntak temple fo emi odude ke Jerusalem,+Ndidem ẹyeda mme enọ ẹsọk fi.+
30 Duat unam ikọt emi odude ke mme nnyanyan̄a,+ otu nyara enan̄,+Ye nditọ enan̄ mme idụt,* emi kiet kiet ẹdịghide mbak silver.+Enye amasuan mme idụt emi ẹmade en̄wan.+
31 N̄kpoduoho okpoho* ẹyeto Egypt ẹdi;+Cush ọyọsọp anyan ubọk esie ọnọ Abasi mme enọ.+
32 O mbufo mme obio ubọn̄ isọn̄, ẹkwọ ikwọ ẹnọ Abasi,+Ẹkwọ edinem ikwọ ẹnọ Jehovah—Selah—
33 Ẹkwọ ẹnọ Enye emi awatde ke n̄kon̄n̄kan heaven eset.+Sese! Enye osioro uyo esie, osioro ọkpọsọn̄ uyo.+
34 Mbufo ẹtan̄a odudu Abasi.+Ubọn̄ esie odoro Israel, odudu esie onyụn̄ esịm obubịt enyọn̄.+
35 Abasi enyene uten̄e ke akwa edisana ebiet esie.+Enye edi Abasi Israel, emi ọnọde mme owo odudu ye ukeme.+Itoro enyene Abasi.+
Mme Ikọ Idakisọn̄
^ Oro edi, mbon emi ẹbietde nditọ enan̄.
^ Heb., chashmannim. Owo ifiọkke se ikọ Hebrew emi ọwọrọde; ndusụk owo ẹdọhọ ke ọwọrọ “isụn̄utom.”
