Psalm 79;1-13
Ikwọ Asaph.
79 O Abasi, mme idụt ẹmedụk udeme fo;+Mmọ ẹmesabade edisana temple fo;+Mmọ ẹmenịm Jerusalem ke ibombom n̄wụre.+
2 Mmọ ẹmeda okpo mme asan̄autom fo ẹnọ mme inuen enyọn̄ nte udia,+Ẹda obụkidem mbon emi ẹsọn̄ọde ẹda ye afo ẹnọ mme unam ikọt.+
3 Mmọ ẹmeduọk iyịp mmọ nte mmọn̄Ke ofụri Jerusalem, ndien owo eke obụkde mmọ idụhe.+
4 Nnyịn imakabade idi n̄kpọ esuene inọ mbọhọidụn̄ nnyịn,+Idi n̄kpọ imam ye n̄kpọ nsahi inọ mmọ emi ẹkande nnyịn ẹkụk.+
5 O Jehovah, adan̄a didie ke afo ediyat esịt? Ke nsinsi?+Adan̄a didie ke ifiopesịt fo edisak nte ikan̄?+
6 N̄wan̄a ifụtesịt fo fụk mme idụt eke mîfiọkke fi,+Ye mme obio ubọn̄ eke mîkotke enyịn̄ fo.+
7 Koro mmọ ẹmeta Jacob,+Ẹnyụn̄ ẹnịm ebietidụn̄ esie ke ndon.+
8 Kûti ndudue mme ete ete nnyịn uda udori nnyịn.+Wara tua nnyịn mbọm,+Koro nnyịn idude ke ata nnanenyịn.+
9 N̄wam nnyịn, O Abasi edinyan̄a nnyịn,+Ke ntak ubọn̄ enyịn̄ fo;+Nyan̄a nnyịn nyụn̄ fụk mme idiọkn̄kpọ nnyịn kaban̄a enyịn̄ fo.+
10 Ntak emi mme idụt ẹkpedọhọde ẹte: “Enye Abasi mmọ?”+Nam nnyịn ikụt nte anamde mme idụt ẹfiọk+Ke ini osiode usiene iyịp mme asan̄autom fo emi ẹduọkde.+
11 Eseme owo-n̄kpọkọbi akpakam edi ke iso fo.+Da akwa ubọk fo kpeme mbon oro ẹnịmde ẹnọ n̄kpa.+
12 Nyụn̄ sio usiene utịm ikatiaba dọn̄ mbọhọidụn̄ nnyịn ke ikpanesịt+Ke esuene emi mmọ ẹsuenede fi, O Jehovah.+
13 Amaedi nnyịn ikọt fo ye ufene emi afo ọbọkde,+Nnyịn iyọkọm fi ke nsinsi;Nnyịn iyatan̄a itoro fo ke ofụri emana.+
