Psalm 82;1-8
Ikwọ Asaph.
82 Abasi ada itie ke esop esie;+Enye ekpe ikpe ke otu mme abasi:+
2 “Adan̄a didie ke mbufo ẹdikpe ukwan̄ikpe+Ẹnyụn̄ ẹten̄e mme idiọkowo enyịn?+ Selah.
3 Mbufo ẹkpe ikpe usụhọde owo ye eyenakpa.+Ẹkpe unenikpe ẹnọ owo ukụt ye owo unana.+
4 Ẹnyan̄a usụhọde owo ye ubuene;+Ẹnyan̄a mmọ ẹsio ke ubọk mme idiọkowo.”+
5 Mmọ ifiọkke, inyụn̄ in̄wan̄ake mmọ;+Mmọ ẹsan̄a ẹyo ke ekịm;+Kpukpru itiat idakisọn̄ emi isọn̄ odorode ẹsehede.+
6 “Ami ndọhọ nte, ‘Mbufo ẹdi mme abasi,+Kpukpru mbufo ẹnyụn̄ ẹdi nditọ Ata Edikon̄.+
7 Ke akpanikọ, mbufo ẹdikpa nte mme owo;+Ẹnyụn̄ ẹduọn̄ọ nte owo ekededi ke otu mbọn̄!’”+
8 O Abasi, daha ke enyọn̄ kpe ikpe nọ isọn̄;+Koro afo ayada kpukpru mme idụt enyene.+
