Philippi 2;1-30
2 Edieke nsịnudọn̄ ekededi odude ke Christ,+ edieke ndọn̄esịt emi otode ima odude, edieke ebuana eke spirit ekededi odude,+ edieke esịt ima+ ye mbọm ekededi odude,
2 ẹnam idatesịt mi ọyọhọ ke mbufo ndinyene ekikere kiet+ ye ima kiet, ẹdianade kiet ke ukpọn̄, ẹnyenede kpa ekikere kiet,+
3 ẹkûnam baba n̄kpọ kiet ke ndomoidem+ m̀mê ke n̄kụtidem,+ edi ẹda nsụhọdeidem ẹbat ẹte mbon en̄wen ẹfọn ẹkan+ mbufo,
4 ẹkûse ẹban̄a mbubehe mbufo kpọt,+ edi ẹse ẹban̄a mbubehe mbon en̄wen n̄ko.+
5 Ẹka iso ẹnyene edu ukere n̄kpọ emi Christ Jesus ekenyenede,+
6 emi, okposụkedi ekedide mbiet Abasi,+ mîkekereke ndiwamade enye itie mbọ, man ekpedi n̄ka ye Abasi.+
7 Baba, edi enye ama asana emi ayak onyụn̄ emen mbiet ofụn+ esịne onyụn̄ edidu ke mbiet owo.+
8 Akan oro, ke ini enye okokụtde idemesie ke mbiet owo,+ enye osụhọde idem onyụn̄ akabade osụk ibuot tutu esịm n̄kpa,+ ih, n̄kpa ke eto ndutụhọ.+
9 Ke ntak emi ke Abasi ekemenede enye enịm ke itie emi okon̄de+ onyụn̄ ọnọ enye enyịn̄ oro okon̄de akan kpukpru enyịn̄ efen,+
10 man ke enyịn̄ Jesus kpukpru edọn̄ ẹkpetọn̄ọ, eke mme andidu ke heaven ye mme andidu ke isọn̄ ye mme andidu ke idak isọn̄,+
11 kpukpru edeme ẹkpenyụn̄ ẹnyịme an̄wan̄wa+ ẹte ke Jesus Christ edi Ọbọn̄,+ ẹnọ Abasi Ete ubọn̄.+
12 Mmọdo, ndima mi, kpa nte mbufo ẹsikopde uyo mi kpukpru ini,+ idịghe ke ini ndude kpọt, edi akpan akpan ke ini mmendụhe, ẹka iso ẹsan̄a ke ndịk+ ye nnyekidem ẹnam edinyan̄a mbufo ọwọrọ usụn̄;
13 koro edi Abasi anam utom ke esịt mbufo,+ nte enemde enye, man mbufo ẹnyịme ẹnyụn̄ ẹnam.+
14 Ẹka iso ẹnam kpukpru n̄kpọ ye unana nsụkuyo+ ye mfan̄a,+
15 man mbufo ẹkpenana nduduọhọ+ ye ndudue, ẹnyụn̄ ẹdi nditọ+ Abasi emi ẹnanade ndo ke n̄kakwan̄a emana+ emi mbufo ẹyamade nte se inọde un̄wana ke ererimbot,+
16 ẹsọn̄ọde ẹmụm ikọ uwem ẹkama,+ man n̄kpenyene ntak idatesịt ke usen Christ,+ nte ke n̄kefeheke itọk ke ikpîkpu, n̄konyụn̄ nnamke utom ọkpọsọn̄ ke ikpîkpu.+
17 Edi, idem ọkpọkọm ẹn̄wan̄wan̄a mi ẹduọk nte edin̄wọn̄ uwa+ ke enyọn̄ uwa+ ye utom emi mbuọtidem esịnde mbufo ẹnam ẹnọ mme owo,+ mmokop idatesịt nnyụn̄ ndara+ ye kpukpru mbufo.
18 Kpasụk ntre, mbufo n̄ko ẹkop idatesịt ẹnyụn̄ ẹtiene mi ẹdara.+
19 Koro ami mmodori enyịn ke Ọbọn̄ Jesus ndidọn̄ Timothy edi ebịne mbufo ke mîbịghike, man ukpọn̄ mi akpadat esịt+ ke ini n̄kopde nte n̄kpọ etiede ye mbufo.
20 Koro nnyeneke owo en̄wen eke enyenede edu emi ebietde esie, emi editịmde ese+ aban̄a mme n̄kpọ oro ẹban̄ade mbufo.
21 Koro kpukpru owo eken ẹyom ufọn idemmọ,+ idịghe eke Christ Jesus.
22 Edi mbufo ẹmefiọk nte enye okowụtde ke imodot, nte ke enye ama asan̄a ye ami anam utom ọkpọsọn̄ ke ndisuan eti mbụk nte emi eyen+ asan̄ade ye ete.
23 Ke ntre, owo emi ke ndori enyịn ndisio ndọn̄ ke ndondo oro n̄kụtde nte n̄kpọ ẹtiede ye ami.
24 Ke akpanikọ, mmenịm ke akpanikọ ke Ọbọn̄ nte ke ami ke idem mi nyedi ke mîbịghike.+
25 Nte ededi, n̄kere ke ọfọn ami ndisio Epaphroditus+ ndọn̄ ebịne mbufo, kpa eyenete mi ye nsan̄autom+ mi ye nsan̄a mi ke ekọn̄,+ edi emi edide eyenutom mbufo ye ọkpọkpọ asan̄autom ke se nyomde,
26 sia ọdọn̄de enye ndikụt kpukpru mbufo, enye onyụn̄ odu ke mfụhọ koro mbufo ẹkekopde ẹte enye ọkọdọdọn̄ọ.
27 Ke akpanikọ, enye ama ọdọn̄ọ ekpere n̄kpa; edi Abasi ama atua enye mbọm,+ ituaha enye ikpọn̄, edi atua mi n̄ko, mbak ndikop ekikak mfụhọ.
28 Ke ntre mmọdọn̄ enye edi ata usọp usọp, man ke ini ẹkụtde enye mbufo ẹkpefiak ẹdara, ami n̄kponyụn̄ mbọhọ mfụhọ.
29 Ke ntre ẹdara+ enye ye ọyọhọ idatesịt nte ido edide ke Ọbọn̄; ẹnyụn̄ ẹka iso ẹkpono mme utọ owo emi,+
30 koro ke ntak utom Ọbọn̄ enye ama ekpere n̄kpa, esịnde ukpọn̄ esie ke itiendịk,+ man enye akpanam n̄kpọ ọyọhọ ọyọhọ ke itie eke mbufo ẹkpenamde ke ndinam ọkpọkpọ utom nnọ mi.+
