Akpan ini ke idu uwem emi. Jehovah ke anam se idude ke Bible an̄wan̄a nnyịn akan akpa. (Dan. 12:4) Kpa ye oro, ekeme ndisọn̄ nnyịn nditi kpukpru se ikpepde ke Bible, emi ẹma ẹkekpụhọde nte inịmde. M̀mọ̀n̄ ke ikeme ndikụt mmọ ye nte ẹnamde mmọ ẹn̄wan̄a?

• Akpaka “Beliefs Clarified” ke Watch Tower Publications Index, oyokụt kpukpru se ikesinịmde emi ẹkpụhọrede. Ke itie oro, edi ẹma ẹwet isua, ẹwet se Bible ekpepde emi ekenen̄erede an̄wan̄a nnyịn isua oro, emi akanamde ikpụhọde se ikesinịmde. Okpoyom ndida nsio nsio ibuotikọ nyom, kataip “understanding clarified” ke Watchtower Library m̀mê Watchtower ONLINE LIBRARY^™. Ama ataip, kụt ete ke emesịn quote (oro edi, idiọn̄ọ emi “ “) ke ntọn̄ọ ikọ oro ye ke utịt.

• Nsio nsio ibuotikọ emi ẹnemede se ikenịmde emi ẹkpụhọrede ẹdu ke N̄wed Ndụn̄ọde Mme Ntiense Jehovah, edi iwakke. Ka ibuotikọ emi “Mme Ntiense Jehovah,” ekem se ekpri ibuotikọ emi “Se Mme Owo Ẹkerede Ẹnyụn̄ Ẹnịmde.” Ke idak esie oyokụt “Ndinam Se Inịmde Etetịm An̄wan̄a.”

Ama etie ke idemfo ekpep n̄kpọ, mek n̄kpọ kiet emi ikesinịmde, emi ẹkpụhọrede ndondo emi. Nam ndụn̄ọde man okụt se inịmde idahaemi ye se Bible etịn̄de emi anamde ikpụhọde se ikesinịmde.