“Ndi Mme Owo Ẹyesobo Isọn̄ Emi?”

● Ke ini ẹdade ke enyọn̄ ẹse, isọn̄ emi etie nte ata ediye n̄kpọuto emi etiede blu blu ye afia afia. Edi edieke ẹdade ke isọn̄ emi ẹse, ẹyekụt ke mfịna odu. Ntak-a? Ibọrọ isọn̄ke. Mme andidụn̄ isọn̄ ikamake enye ọfọn. Ke adianade do, mmọ ke ẹbiat isọn̄ emi ke ata ata usụn̄, oro edi ndisabade mme n̄kpọ nnyụn̄ n̄wot mme akai. Ke ẹbiat isọn̄ n̄ko ke usụn̄ en̄wen, ke ndinam afai, nduọk iyịp, nnyụn̄ ndu oburobụt uwem.

Ẹma ẹtetịn̄ ẹban̄a idiọk idaha emi ke mme n̄wọrọnda ntịn̄nnịm ikọ emi ẹkewetde ke Bible ke n̄kpọ nte isua tọsịn iba emi ẹkebede. (2 Timothy 3:1-5; Ediyarade 11:18) Bible ama etịn̄ n̄ko ete ke Abasi kpọt edinam kpukpru n̄kpọ ẹfiak ẹfọn ke isọn̄ emi—idịghe owo ndomokiet. Ẹyeneme mme akpan n̄kpọ emi ke utịn̄ikọ an̄wa oro ibuotikọ edidide: “Ndi Mme Owo Ẹyesobo Isọn̄ Emi?” Ẹdinọ utịn̄ikọ emi ke Mbono District “Yak Obio Ubọn̄ Abasi Edi!” Eke Mme Ntiense Jehovah, oro ẹditọn̄ọde ke May isua emi ke United States, emi ẹdinyụn̄ ẹnịmde ke ofụri ererimbot nte ini akade.

Mbọk imokot fi ite odụk enye emi ekperede fi akan. Edieke oyomde ndifiọk ini ye ebiet emi ekperede fi akan, bụp Mme Ntiense Jehovah ke edem mbufo, mîdịghe wet mme andisio magazine emi. Ẹdọn̄ nsio nsio ebiet oro ẹdinịmde mbono emi ke ikpehe Intanet emi: www.ps8318.com