“Kpeme Esịt Fo!”
“Kpeme Esịt Fo!”
Mbono District Eke Mme Ntiense Jehovah
Ibuotikọ Friday
“Jehovah Ese Esịt”—1 SAMUEL 16:7.
IBUOTIKỌ SATURDAY
“Oto Uyọhọ Esịt Inua Osio Etịn̄”—MATTHEW 12:34.
IBUOTIKỌ SUNDAY
“Nam N̄kpọ Jehovah ke Ofụri Esịt”—1 CHRONICLE 28:9.
Bible etịn̄ aban̄a esịt ata ediwak ini. Idịghe ata ata esịt ke Bible esiwak nditịn̄ mban̄a, edi esitịn̄ aban̄a ndamban̄a esịt. Nso idi ndamban̄a esịt? Enye edi se nnyịn idide—oro edi, se ikerede ye se imade.
Ntak emi ikpekpemede ndamban̄a esịt nnyịn? Abasi ama anam Edidem Solomon ewet ete: “Kpeme esịt fo kan kpukpru se enyenede ndikpeme, koro uwem otode enye.” (Mme N̄ke 4:23) Nte esịt nnyịn etiede ekeme ndinam ikop inemesịt idahaemi ye ke ini iso. Ntak emi idọhọde ntre? Koro Abasi ese esịt. (1 Samuel 16:7) Se nnyịn isinamde ke ndịbe ebiere nte Abasi esede nnyịn.—1 Peter 3:4.
Didie ke ikeme ndikpeme esịt nnyịn? Ẹyebọrọ mbụme emi ọyọhọ ọyọhọ ke mbono district Mme Ntiense Jehovah emi ẹdinịmde ke ofụri ererimbot ọtọn̄ọde ke May. Nnyịn imokot fi ite etiene edidụk mbono usen ita emi. * Se afo edikpepde ke mbono emi ayan̄wam fi odu uwem emi edinamde esịt adat Jehovah Abasi.—Mme N̄ke 27:11.
[Ikọ Idakisọn̄]
^ ikp. 11 Edieke oyomde ndifiọk ebiet emi ẹdinịmde mbono emi ke edem mbufo, mbọk se ikpehe Intanet emi www.ps8318.com. Emekeme n̄ko ndibụp Mme Ntiense Jehovah ke edem mbufo, mîdịghe ewet obụp mme andisio magazine emi.
[Ebiet Ẹdade Ndise Ẹto ke page 32]
Foto ke nnasia: Aus dem Fundus der MÜNCHNER OLYMPIAPARK GMBH, München
