Mme Mbụme Bible Oro Ẹbọrọde
Ntak emi ẹkotde Jesus Eyen Abasi?
Abasi idọhọ n̄wan emi amande nditọ ọnọ enye. Enye okobot onyụn̄ ọnọ kpukpru n̄kpọ uwem. Abasi okobot nnyịn ke mbiet esiemmọ man ikpekpebe enye. Ntak edi oro ẹkekotde Adam emi ekedide akpa owo oro Abasi okobotde, “eyen Abasi.” Ntre n̄ko ke edi ye Jesus. Ẹkot Jesus “Eyen Abasi” sia Abasi okobot enye ndidu uwem nte imọ idude.—Kot Luke 3:38; John 1:14, 49.
Ini ewe ke ẹkebot Jesus?
Abasi ekebem iso obot Jesus ndien edibot Adam. Ke nditịm ntịn̄, ekedi Abasi obot Jesus ama, enye ada Jesus obot kpukpru n̄kpọ eken, emi esịnede mme angel. Ntak edi oro Bible okotde Jesus “akpan ke otu kpukpru edibotn̄kpọ.”—Kot Colossae 1:15, 16.
Jesus ekedi angel ke heaven mbemiso amanade ke Bethlehem. Ke edikem ini Abasi, Abasi ama ada edisana spirit osio enye ke heaven esịn ke idịbi Mary man enye akpamana nte owo.—Kot Luke 1:30-32; John 6:38; 8:23.
Ntak emi Abasi akanamde Jesus edimana mi ke isọn̄-ọ? Nso akpan utom ke Jesus akanam? Bible ekeme ndibọrọ mme mbụme emi, ndien ibọrọ emi Bible ọnọde eyenen̄ede an̄wam fi etịm ọdiọn̄ọ onyụn̄ ọkọm Abasi ye Jesus ke se mmọ ẹnamde ẹnọ fi.
Ekeme Ndidi Ayama Mmọ Emi N̄ko
BIBLE EKEME NDIBỌRỌ MBỤME FO
Ndi Jesus Okonyụn̄ Etie nte Eti Owo Ekededi?
Se ikanamde Jesus eyen Nazareth edi akakan owo emi akanam odudu uwem.
ENYỌN̄-UKPEME
Ntak Emi Abasi Ọkọdọn̄de Jesus Edi Isọn̄?
BIBLE EKEME NDIBỌRỌ MBỤME FO
Ini Ewe ke Jesus Akamana?
Se ntak emi mme owo ẹsinịmde usọrọ Christmas ke December 25.
