AYEGHLE 07

Za aval môr Jehôva a ne ?

A WOKH A NKOBE

Ôsiman wiè été, Jehôva Nzame a ne z’aval môr ? Ye wa yén ñe ane ébibi môr é ne bia ôyap, aval a ne atétéñ é ne bia ôyap minkut été ? Nge ki naa, ôsiman wiè été, waa yén ki ñe ane ngura môr ézing, ve, fave ane môra ngu’u ézing é too ane zalang ? Jehôva a ne faa z’aval môr ? A kalare wèñ été, Bible, Jehôva a lere bia za mefulu a bele. Ye naa mefulu meté été, a lere wô naa a wokh wa ôlun.

1. Amu dzé bii se ki yén Nzame ?

« Nzame a ne Nsisim. » (Jean 4:24) Jehôva éé bele ki aval ñuu boan bebôt. Bii se ki ñe yén, amu a ne Nsisim, ye fe naa a ning a dzôp été, é vôm moan môt éé se ki kuiñ.

2. Za mefulu Jehôva a bele ?

Afang bo naa bii se ki yén Jehôva, ve éyong bia yem aval môr a ne, bia ye ñe nyeghe akal é mbemba mefulu a bele. Bible a dzô naa : « Jehôva a dzing sôsôe, ye fe naa, aa ye ki lame é bôr ba sèhane ñe ya n’nem ôse. » (Bya 37:28) A ne fe « ndzalane ya n’nem éngôngol ye fe mvam, » a dang-dang, ya é bôr ba tubane minzukh. (Jacques 5:11) « É bôr ba dzukh, Jehôva a tele be nfeng ; a kôre é bôr ba wôrane atakh nfa ya nsisim. » (Bya 34:18, atoan é ne afep asi) Ye fe naa, ye wa yem naa Jehôva a ne wôrane mbeng nge ki n’nem mintéñ ye aval abo dulu bi bele ? É môr a top abo dulu é ne abé, a ve ñe n’nem mintéñ. (Bya 78:40, 41) Ve, é môr a bo é mam me ne sôsôe, a ve ñe n’nem mbeng.—A lang Minkana 27:11.

3. Aval avé Jehôva a lere bia édzing ?

É fulu da dang mefulu mese Jehôva a bele a ne édzing. Bebela a ne naa, « Nzame a ne édzing. » (1 Jean 4:8) Jehôva aa lere ki édzing dèñ fave a Bible été, ve a lere fe de, ébe é mam a nga vele. (A lang Bisè mintôl 14:17.) Bia yén éfônan y’été ye aval a nga vele bia. A nga vele bia aval da ve bia naa bi yén mbemba minsin, bi wokh mbemba mezik, ye fe naa bi kiakh mbemba bidzi. A nga ve bia mam mesese meté naa bi yem buane éning.

A TUGHA FAS

Daghe é dzôm Jehôva a nga belane de naa a vele mbemba be-mam meté. Éyong té, daghe fe aval Jehôva a lere bia mbemba mefulu a bele.

4. Nsisim Nzame ô ne é ngu’u a belane de

Aval ane bia belane é mo mèè naa bia bo bisèñ, aval té fe Jehôva a belane nsisim wèñ. Bible a lere bia naa, nsisim Nzame wéé se ki moan môt, ve, a ne é ngu’u Nzame a belane de naa a bo mam. A lang Luc 11:13 ya Bisè mintôl 2:17, éyong té mia lèè minlang mia daghe minsili mia zu mi :

Nzame a ye « ve » nsisim wèñ ébe é bôr ba sili ñe wô. Éde, ébe wa, ye nsisim Nzame ô ne Nzame émièn nge ki faa é ngu’u Nzame a belane de ? Amu dzé wa ve éyalane té ?

Jehôva a belane nsisim wèñ naa a bo bôra be-mam. A lang Bya 33:6 ya 2 Pierre 1:20, 21, éyong té mia lèè minlang mia daghe nsili wa zu wi :

Jehôva a nga belane nsisim wèñ naa a bo be za mam ?

5. Jehôva a bele mbemba mefulu

Moises a mbe mbo-ésèñ Nzame a ne sôsôe, ve a nga kômô tugha yem é môr a ne é Mvele wèñ. Éde Moises a nga dzô ñe naa : « Vaa me naa me yem mezen mwiè, nfa ye naa me tugha wô yem. » (Akôre 33:13) Éde, Jehôva a nga yalane Moises é tu ñe mefulu Mèñ m’ézing. A lang Akôre 34:4-6, éyong té mia lèè minlang mia daghe minsili mia zu mi :

Mefulu m’ézing mèñ, mevé Jehôva a nga tu Moises ?
Ébe mefulu Jehôva, za fulu wa dang bira dzing wa yén été ?

6. Jehôva a wokh boan be-bôt ôlun

Behébreu nge ki be Hebreos, ayong Nzame ya melu mvus, be mbe minkôm Égypte. Za dzam Jehôva a mbe é wôrane éyong ayong dèñ é mbe déé dzukh minkôm ? Bèèghe ÉNGENGENG nge ki a lang Akôre 3:1-10. Éyong té mia lèè minlang mia daghe minsili mia zu mi.

ÉNGENGENG : A Jehová le dolió ver sufrir a su pueblo nge ki Jéhovah délivre son peuple (2:45)

Aval avé nlang té wa lere wa é dzam Jehôva a wôrane éyong boan be-bôt ba dzukh ?—Daghe bifus 7 ye 8.
Ye wa simane naa Jehôva a kômô faa vole boan be-bôt, ye naa a bele ngu’u ya bo de ? Amu dzé, nge ki, amu dzé kaa ?

7. Bi ne yem aval môr Jehôva a ne ngalane avele

Jehôva a lere bia mefulu mèñ ngalane é mam a nga vele. Daghane ÉNGENGENG. Ye lang Beromain 1:20, éyong té mia lèè minlang mia daghe nsili wa zu wi.