AYEGHLE 10
Aval avé bisulan bengaa Jehôva bi ne wô vole ?
Ye be tereyang wô bane bisulan Bengaa Jehôva ? Nge waa be ki ke, é ne wô ve wong naa ô tare ke éyong ôsua. Ô ne sili wamièn naa : ‘Aval avé bisulan bité bia ye bobane ? Amu dzé bisulan bité bi ne éban ? Amu dzé ma yiène bi ke ?’ Ayeghle di été, wa ye yeghe aval a tobe bisulan ya é bôr bevoo é ne wô vole a yir Nzame bebèñ ya vole fe wamièn.
1. Amu dzé Bengaa Jehôva ba kôane nsama ?
Daghe é dzam ntsili Bible ézing a nga dzô nfa ya akalgha ôsua da ve naa bi kôane ya bôr bevoo : « A môra ékôan été, ma ye lughu Jehôva. » (Bya 26:12) Aval té fe ému, Bengaa Jehôva be bele bôra mevakh naa ba kôane nsama. A si ése minfa minii, ba kôane be sono bese naa ba lughu Jehôva, a yiè ñe bya bi ôlughu, ya yaghlan ya ñe. Biyong bizing, ébe mbu, ba kôane fe akal bôra bisesang bizing bi ne éban akal ékang Jehôva.
2. Dzé wa ye yeghe bisulan biè ?
Bisulan biè, « ba tugha ve ayilgha ya é mam » me ne a kalare Nzame été. (A lang Néhémie 8:8.) A tobe bisulan biè, da ye wô likh naa ô yem Jehôva ya é mbemba mefulu mèñ. Nté wa ye yeghe abim édzing a bele akal dwiè, da ye likh naa ô yir ñe bebéñ. Wa ye fe yeghe aval avé a ne wô vole a bele mbemba éning.—Esaïe 48:17, 18.
3. Za abuane bi ne bele éyong bia kôane bisulan biè ye é bôr bevoo ?
Jehôva a sakh bia naa bi « tugha daghe bevoo ya ba bevoo nfa n’vehane ngu’u ébe édzing ya ébe mbemba mimboane, kaa dzoghe bikôan biè. » (Behébreu 10:24, 25) Bisulan biè été, wa ye yem é bôr ba lere éba bevoo ña édzing ye naa, ane wa, ba kômô yeghe abuiñ mam ma daghe Nzame. Wa ye fe bèè aval ane bôr bevoo ya éba bevoo ba vehane ngu’u ô ñuu ngalane meyeghle ba ñong a Bible été. (A lang Beromain 1:11, 12.) Wa ye fe yeghe a yem bôr befe be bele mevakh a yeghe a yem Jehôva amben ba tôbane minzukh. Bi va yén fave ayôm mekalgha ma lere amu dzé Jehôva a yi naa bi kôane nsama éyong ése !
A TUGHA FAS
Yeneghe aval bisulan Bengaa Jehôva bia bobane ye amu dzé wa yiène ve mengu’u naa ô tobe bisulan bité.
4. Bisulan Bengaa Jehôva
Ntet mimbu ôsua, Bekristen be mbe béé kôane nsama éyong asese naa be kang Jehôva. (Beromain 16:3-5) A lang Becolossien 3:16, ye lèè minlang mia daghe nsili wa zu wi :
-
Aval avé bekristen be ye mintet mimbu ôsua be mbe béé kang Jehôva ?
Aval té fe ému, bengaa ba kôane nsama éyong ése menda bikôan. Naa mi yem aval avé bisulan biè bia bobane daghe, daghane ÉNGENGENG. Éyong té, daghane é fôrô a lere aval ane ésulan da bobane, ye lèè minlang mia daghe minsili mia zu mi.
-
Za éfônan bi va bili ézang é dzam é va bobane ékoan ya é dzam bi va lang nten Becolossien 3:16 ?
-
Éyong ô va daghe éngengeng nge ki fôrô, ye ô va yén dzam ézing da daghe bisulan é va name wa ?
A lang 2 Becorinthien 9:7, ye lèè minlang mia daghe nsili wa zu wi :
-
Amu dzé Bengaa Jehôva baa sili ki bôr mono bisulan bieba ?
Ya é môr a yeghle wa Bible, daghane nsama é mam m’ézing ba ye lere ésulan évoo ye é sono ñî.
-
Za nfa ya ésulan wa simane naa wa ye dzing abuiñ ?
Ye ô va yem de ?
A nden wèè jw.org, ô ne yén vôm mbé ye éyong évé bisulan biè bia bobane vôm ase si ése ngura.
-
Bisulan biè bi bele mintun, bifônan minkanghle, ye bingengeng. Bia tare ye man bisulan biè ye yiè bya ye bo meyaghlan
-
Minfa mizing bisulan biè, be wôla sili bebèè naa be yalane minsilit
-
Môr ase a ne mbemba n’sohane abo menda me-bôt, min’nôm, bitong bi-bôt, ye bong
-
Baa yane ki añî. Bengaa Jehôva baa ye ki mina sili mono nge mia zu tobe bisulan bieba
5. Mengu’u wa yiène ve naa ô tobe bisulan
Ndaghe éfônan nda-bôr Yésu. Naa be tobe é môra ésesang ye mbu, be nga yiène wulu melu melal béé dang minkôô naa ba kôre a Nazareth yakekuiñ Jérusalem. A lang Luc 2:39-42, éyong té mia lèè minlang mia daghe minsili mia zu mi :
-
Ye wa simane naa e môra ékena be mbe béé wule yakekuiñ a Jérusalem é mbe déé sili be abuiñ mengu’u ?
-
Amu dzé wa yiène ve mengu’u nfa ya tobe bisulan ?
-
Ye wa simane naa é ne mbeng akal dwiè naa ô ke bisulan, amben da sili wa abuiñ mengu’u ? Amu dzé ?
Bible a dzô naa a tobe bisulan ya é bôr bevoo nsama naa bia kang Nzame é ne édedaa éban. A lang Behébreu 10:24, 25, éyong té mia lèè minlang mia daghe nsili wa zu wi :
-
Amu dzé bia yiène ke bisulan mban ?
NGE MÔR ÉZING A DZÔ WÔ NAA : « Déé se ki éban naa ô kôane ye é bôr bevoo. Ô ne sughu ve naa wa yeghe Bible a nda. »
-
Za éfus ya Bible nge ki za éfônan ya Bible da lere é dzam Jehôva a kômô naa ô bo ?
AKIGHE BES
A tobe bisulan da ye wô vole naa ô tugha yem za ane Jehôva, naa ô tugha yemle angom dwiè ye ñe, ye naa ô kang ñe ya é bôr bevoo.
Ôbaghle
-
Amu dzé Jehôva a sakh bia naa bi kôane nsama ya é bôr bevoo ?
-
Za mam wa ye yeghe bisulan Bengaa Jehôva ?
-
Za abuane afe wa simane naa ô ne ñong éyong wa tobe bisulan ?
Ô NE FE KE DAGHE
Nge wa ko wong naa ô ke ésulan ézing ? Daghe aval ane môr ézing a mbe é wôrane ane wa, a nga sughlane dzing a tobe bisulan.
¡Nunca olvidaremos cómo nos saludaron! nge ki Nous n’oublierons jamais leur accueil (4:16)
Daghe ane étong moan ézing a mbe é dzing a tobe bisulan ye é dzam a nga bo naa a tsine naa a ke bio.
Yeghane aval ane bôr bevoo ba wôrane éyong ba zu bisulan.
« Pourquoi assister aux réunions tenues à la Salle du Royaume ? » nge ki « ¿Por qué estaría bien ir a las reuniones en el Salón del Reino? » (Nlô-adzô té ô ne a nden)
Yeneghe aval ane éning é môr a mbe nget é nga tsen éyong a nga sum naa a zu bisulan Bengaa Jehôva.
« Je ne sortais jamais sans mon arme » nge ki « No iba a ningún lado sin mi arma » (La Tour de Garde, 1er juillet 2014 ; La Atalaya, 1 de julio de 2014)
