Yɛgye dza Bible no kã wɔ awar nye awargu ho no to mu. Nyankopɔn hyehyɛɛ awar dɛ ebusuabɔ a ɔtsena banyin na basia hɔn ntamu afebɔɔ. Nda mu ɔbrasɛɛ nkotsee na Kyerɛwsɛm no ma kwan dɛ obi botum egyina do egu awar.​—Matthew 19:​5, 6, 9.

Nyew, wɔyɛ dɛm wɔ akwan pii do tse dɛ:

• Nwoma ahorow. Wɔtaa dze nsɛm ba hɛn nwoma ahorow no mu a otum ma awar sɔ, na osiesie awar a ɔayɛ dɛ mbrɛ wɔyɛ no hwee a ɔnnkɛyɛ yie no mpo. Dɛ nhwɛdo no, hwɛ nsɛm a wɔato dzin “Maintaining Commitment in Your Marriage” (Nya Ahofama Wɔ W’awar Mu), “How to Forgive” (Mbrɛ Wɔdze Mfomdo Kyɛ) nye “Rebuilding Trust in a Marriage” (Wo Hokafo Mu Ahotodo A Ebɛsan Enya).

• Nhyiamu ahorow. Yenya afotu a mfaso wɔ do a Bible no dze ma wɔ awar ho wɔ hɛn asafo nhyiamu nye ehyiadzi ahorow ase.

• Asafo mu mpanyimfo. Dɛm mpanyimfo yi dze mboa ma awarfo, na wɔtwe hɔn adwen si kyerɛwnsɛm bi tse dɛ Ephesusfo 5:​22-​25 no do.

Ɔnntse dɛm. Sɛ mpo awarfo bi to nsa frɛ asafo mu mpanyimfo dɛ wɔmboa hɔn ma wondzi hɔn awar mu nsɛndzendzen ho dwuma a, dɛm mpanyimfo yi nnyi ho kwan dɛ wosi gyinae ma hɔn. (Galatiafo 6:5) Naaso, sɛ obi fa kwan bi a ɔnye Kyerɛwsɛm no nnhyia do gu awar a, ɔremmfata mma ho kwan biara wɔ asafo no mu, na Kyerɛwsɛm no nnkɛma no ho kwan ma ɔaasan awar bio.​—1 Timothy 3:​1, 5, 12.

Tsebea a no mu yɛ dzen mu mpo no, Bible no hyɛ awarfo nkuran dɛ mma wɔnntsetsew mu. (1 Corinthfo 7:​10-​16) Sɛ awarfo kɔ do bɔ mpaa, dze Bible mu ngyinadonsɛm bɔ hɔn bra, na wɔda ɔdɔ edzi kyerɛ hɔnho a, wobotum edzi hɔn awar mu nsɛndzendzen pii ho dwuma.​—1 Corinthfo 13:​4-8; Galatiafo 5:​22.

Naaso, tsebea a no mu yɛ dzen tse dɛ dza odzidzi do yi ama Christianfo awarfo binom esi gyinae atsew hɔnho efi hɔn ahokafo ho:

• Ber a obi hyɛ da dɛ ɔronnhwɛ n’ebusua.​—1 Timothy 5:8.

• Ber a obi yɛ no hokafo ayaayaadze.​—Ndwom 11:5.

• Ber a obi no som da esian mu. Dɛ nhwɛdo no, obi botum ahyɛ no hokafo a ɔyɛ Ɔdasefo no dɛ ommbu Nyankopɔn ne mbra do wɔ kwan bi do. Ibia Ɔdasefo no besi gyinae dɛ sɛ obetsie “Nyankopɔn asɛm mbom kyɛn nyimpa dze” a, gyedɛ ɔtsetsew mu.​—Ndwuma 5:​29.