FEPERUERI 1, 2023| IROGO VOU: OKOSITA 1, 2023
RUSIA

IROGO VOU—TOTOGITAKI NA TACIDA TAGANE | “E Sega ni Vinakati me Veisau na Kequ iTuvaki”

SARAVA/ROGOCA

Ena ika28 ni Julai 2023, e kaya na mataveilewai na Kovrovskiy City Court e Rusia ni cala o Brother Boris Simonenko. E totogitaki me vesu me rua na yabaki vitu na vula. Ia e wawa veilewai tu e valeniveivesu, qai vakatatabutaki e vale. Koya gona, e sa cakacakataka oti na kena itotogi, ena sega ni bala e valeniveivesu.

Kena iTukutuku

Boris Simonenko

Sucu: 1955 (Ukraine)

Me baleti koya: E dau keli koula

Rau vakamau kei Ida ena 1978, qai dua na luvedrau o Aleksey

A vulica i liu na iVolatabu o Ida kei ira na iVakadinadina i Jiova. Toso na gauna, sa qai tomani koya o Boris ni raica na yaga ni kena muri na ivakavuvuli vakaivolatabu ena nodratou vuvale. Ena 1996 e papitaiso o Ida, o Aleksey ena 1998, qai papitaiso o Boris ena 2000

Ka e Tukuna

E levu na ituvaki dredre o sotava, ia e donu tiko ga vakacava nomu rai?

Au nanuma sara e dua na ivunau ena soqo ni veiwasewase e vukei au sara ga vakalevu. E kaya na tacida e vunau: “E vinaka cake mo vesu ni o qarava na Kalou, e ca ni o sega ni vesu o qai sega ni qarava na Kalou.” Au vakadeitaka kina keu vinakata meu marau, e sega ni vinakati me veisau na kequ ituvaki. Ia me donu tiko ga noqu rai. Au na sega vakadua ni guilecava na veivosa qori, e vukei au tale ga meu vosota. Me vaka e tukuni ena Same 27:13: “Au na tu e vei ke sega vei au na vakabauta niu na raica na vinaka i Jiova ena nodra vanua na bula?” Sa sivia e 20 na yabaki noqu qaravi Jiova voli mai, ia au volekati koya vakalevu ena ituvaki au sotava qo.

Eda nuidei ni ratou na vakila na marau qai vakaukauataki o Boris kei na nona vuvale ni ratou volekati Jiova tiko ga.—1 Veigauna 16:27.

Veitaravi ni Gauna

Feperueri 8, 2021

Era katona lo na vakailesilesi nona vakayagataka na talevoni o Boris me rawa nira vaqaqai koya kina
Feperueri 17, 2021

Caka na vaqaqara e nona vale. E vakatarogi qai vesu
Feperueri 18, 2021

Tekivu vaqaqai. Beitaki ni liutaka tiko ena internet na soqoni ni iVakadinadina i Jiova. E vesu me wawa veilewai
Julai 13, 2021

Sere qai vakatatabutaki e vale
Feperueri 17, 2022

Laveti nona vakatatabutaki e vale qai vakatabui me gole ena dua tale na vanua
Seviteba 15, 2022

Tekivu veilewaitaki

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU