ME 19, 2022 | IROGO VOU: FEPERUERI 6, 2023
RUSIA
IROGO VOU—TOTOGITAKI | Veilewaitaki Eso na Tacida ena Vuku ni Nodratou Vakabauta
Ena ika3 ni Feperueri 2023, e kaya na mataveilewai na Lesozavodskiy District Court of the Primorye Territory mai Rusia, ni cala o Brother Yevgeniy Grinenko, Brother Sergey Kobelev, kei Sister Svetlana Yefremova. Rau vakatatabutaki me ono na yabaki o Yevgeniy kei Sergey. O Svetlana ena vakatatabutaki me tolu na yabaki. Ratou na sega ni biu e valeniveivesu ena gauna qo.
Veitaravi ni Gauna
Me 12, 2020
Beitaki o Yevgeniy ni daubasulawa nona tuvanaka na cakacaka ni isoqosoqo e vakavuna na “tikoyavavala.” E tukuni vei ira na ovisa na FSB mera vaqaqara ena vale nei Yevgeniy, kei Sergey. Eso tale na ovisa era gole ena vanua ni cakacaka nei Sergey, ra qai vesuki koya. E vakatarogi me va na aua, oti qai sere. E vesu tale ga vakawawa o Yevgeniy
Me 14, 2020
Vakarota na mataveilewai me vesu o Yevgeniy
Me 29, 2020
Lai biu o Yevgeniy ena valeniveivesu e Spassk-Dalny
Julai 8, 2020
Sere mai o Yevgeniy qai vakatatabutaki i nona vale
Feperueri 6, 2021
Laveti nona vakatatabutaki i vale o Yevgeniy, qai vakaroti me kua ni biuta nona itikotiko
Maji 8, 2021
Beitaki o Sergey ni daubasulawa ni vakaitavi tiko ena isoqosoqo e vakavuna na “tikoyavavala”
Epereli 6, 2021
Beitaki tale ga o Svetlana ena kisi qo
Kedratou iTukutuku
Ratou vakaraitaki vinaka dina na tacida yaloqaqa qori nida na “vakararawataki mada vakalevu, eda na qai curu ina Matanitu ni Kalou.”—Cakacaka 14:22.
Rawa ni o Wilika Tale ga
ITUKUTUKU VOU
Vesu ena Vuku ni Nodra Vakabauta—Rusia
Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.