O Cei o Meri Makitala?
Kena isau vakaivolatabu
O Meri Makitala e dua na imuri yalodina i Jisu Karisito. E rairai vakayacani o Meri ena dua na taoni makawa e vakatokai me o Makitala, e toka volekata na Wasa o Kalili. Rairai a dau tu ena taoni qori o Meri.
O Meri Makitala e dua vei ira na marama era tomani Jisu kei iratou na nona tisaipeli, qai dau tokoni ratou ena veika vakayago. (Luke 8:1-3) A raica sara ga na nona vakamatei o Jisu, qai dua vei ira na imatai ni tamata me raica na nona vakaturi.—Marika 15:40; Joni 20:11-18.
E dua na saqamua o Meri Makitala?
E sega ni kaya na iVolatabu ni dua na saqamua o Meri Makitala. E kaya ga ni curumi yalo velavela, qai vakabulai koya o Jisu.—Luke 8:2.
E lako ga mai vei na vakasama ni dua o koya na saqamua? Ni sa oti e vica na drau na yabaki nona mate, e qai nanumi ni o koya ga na yalewa (de dua e saqamua) e qai vuya na yava i Jisu ena wainimatana qai vakamamacataka ena drauniuluna. (Luke 7:36-38) Ia e sega ni dua na ivakadinadina vakaivolatabu me baleta na vakabauta qori.
E dua vei ira na “yapositolo ni yapositolo”?
Sega. Era vakatokai Meri na lotu Katolika me o “Sanito Meri Makitala” kei na “yapositolo ni yapositolo,” ni a matai ni tamata me mai tukuna vei iratou na yapositolo ni sa vakaturi o Jisu. (Joni 20:18) Ia sega ni kena ibalebale qori ni sa dua na yapositolo. E sega tale ga ni tukuni qori ena iVolatabu.—Luke 6:12-16.
E mai vakacavari na volai ni iVolatabu ena icavacava ni imatai ni senitiuri G.V. Era qai saga na italatala ni lotu mera vakacerecerei Meri ena ikaono ni senitiuri. Ni oti e vica na drau na yabaki mai na imatai ni senitiuri, era qai vola eso nira vuvutaki Meri Makitala na yapositolo. Ia e lasutaki na italanoa qori, e sega ni volai ena iVolatabu.
E wati Jisu Karisito?
Sega. E tukuni sara tu ga vakamatata ena iVolatabu ni sega ni vakawati o Jisu. a
a Raica na ulutaga “A Vakawati o Jisu? Eso na Tacina?”
Rawa ni o Wilika Tale ga
SAUMI NA TARO VAKAIVOLATABU
Cava Eda Rawa ni Vulica Vei Ira na Yalewa Era Volai ena iVolatabu?
Raica na kedra duidui eso na yalewa rogo ena iVolatabu e vinaka nodra itovo kei na so tale era ca.
VAKATOTOMURIA NODRA VAKABAUTA
Meri Makitala—“Au sa Raica na Turaga!”
E marama yalodina o Meri Makitala, e imatai ni tisaipeli me raici Jisu ni sa vakaturi. E lesi ena dua na itavi dokai me vunautaka na itukutuku vinaka vei ira eso tale.
SAUMI NA TARO VAKAIVOLATABU
A Vakawati o Jisu? Eso na Tacina?
E sega ni tukuna na iVolatabu nona bula vakawati o Jisu, eda kila vakacava gona ni a vakawati se sega?
IVAKAVUVULI VAKAIVOLATABU
Tovolea na Vuli Qo
Na vuli iVolatabu qo ena sega ni saumi qai tiko e dua mo drau na veivosakitaka na iVolatabu.