TEKIVUTAKI NA VEIVOSAKI
LESONI 3
Yalovinaka
iVakavuvuli Vakaivolatabu: “Na loloma e ... yalovinaka.”—1 Kor. 13:4.
Ka e Cakava o Jisu
1. Sarava na VIDIO, se wilika Joni 9:1-7 qai sauma na taro qo:
-
Na cava e cakava e liu o Jisu, e vakabula na tagane mataboko, se wasea vua na itukutuku vinaka?—Raica na Joni 9:35-38.
-
Ena ka e cakava qori o Jisu, ena rawarawa vakacava vua na turaga ya me rogoca na itukutuku vinaka?
Na Cava Eda Vulica Vei Jisu?
2. Ena rawarawa vua e dua me rogoci keda, ke vakila nida kauaitaki koya dina.
Vakatotomuri Jisu
3. Biuti iko ena kena ituvaki. Tovolea mo vakasamataka na ka e sotava tiko.
-
Mo taroga: ‘Na cava ena rairai lomaleqataka tiko? Na cava e vinakata sara tu ga, na cava ena vukei koya?’ Ni o cakava qori ena vukei iko mo yalovinaka mai vu ni lomamu.
-
Vakaraitaka nomu kauaitaki koya ni o rogoci koya vinaka. Ke tukuna vei iko na nona nanuma, se dua na ituvaki dredre e sotava tiko, kua ni totolo mo veisautaka nomudrau veitalanoa.
4. Vosa vakayalovinaka qai veidokai. Ni o lomana dina e dua qai via vukei koya, ena laurai sara ga ena nomu ivosavosa. Qarauna na vosa o cavuta, kei na kena itautau. Kua ni tukuna e dua na ka ena vakararawataki koya.
5. Mo dauveivukei. Mo kila na gauna donu mo veivuke kina. Na nomu yalovinaka ena rawa ni tekivu kina na veivosaki.
