TEKIVUTAKI NA VEIVOSAKI
LESONI 6
Mo Doudou
iVakavuvuli Vakaivolatabu: “Ena veivakaukauataki ni Kalou keitou sa qai doudou ga ni tukuna vei kemuni na itukutuku vinaka ni Kalou.”—1 Ces. 2:2.
Ka e Cakava o Jisu
1. Sarava na VIDIO, se wilika Luke 19:1-7, qai sauma na taro qo:
Na Cava Eda Vulica Vei Jisu?
2. E bibi na doudou meda vunautaka na itukutuku vinaka vei ira na tamata kece ga.
Vakatotomuri Jisu
3. Nuitaki Jiova. Na yalo tabu ni Kalou e vakaukauataki Jisu me vunau, ena rawa tale ga ni vakaukauataki iko. (Maciu 10:19, 20; Luke 4:18) Kerea vei Jiova na doudou meda vunau vei ira eda dau rerevaka.—Caka. 4:29.
4. Kua ni totolo ni raicalataka e dua. Eda rawa ni tu suka ni vosa vua e dua ena vuku ni kena irairai, nona itutu se rawaka vakailavo, nona ivakarau ni bula, se nona vakabauta vakalotu. Ia nanuma tiko:
-
O Jiova kei Jisu erau kila na loma ni tamata, eda sega ni rawa ni cakava qori.
-
Meda kua ni nanuma ni sega ni ganiti koya na loloma i Jiova.
5. Na doudou me lako vata kei na veidokai kei na qaqarauni. (Maciu 10:16) Kua ni veiba. Mo tinia vinaka na veitalanoa ke sega ni veiciqomi o koya drau veitalanoa tiko, se ke o nanuma ni leqataki nomu bula.—Vkai. 17:14.
