iMatai ni iVola Vei Ira mai Korinia 5:1-13
5 E rogo mai ni dua vei kemuni e veiyacovi tawadodonu*+ tiko ena kena ivalavala era sega mada ga ni cakava na veimatanitu—ni dua na tagane erau sa lai tikovata kei wati tamana.+
2 Oni sa dokadoka? De vinaka moni luvuci ena madua,+ me vakatikitikitaki kina mai na kemuni maliwa na tagane e cakava na itovo qo.+
3 Ia o yau, dina niu yali ena kemuni maliwa ena noqu raitayaloyalotaka na noqu tiko e keri, e dei na lomaqu meu sa tauca na lewa me baleta na tagane e cakava na itovo ya me vaka ga niu dau tiko kei kemuni.
4 O koya gona, ena yaca ni noda Turaga o Jisu, ni oni soqoni vata, oni kila tale ga ni tautauvata na noda rai ena kaukaua ni noda Turaga o Jisu,
5 moni solia na tamata va qori vei Setani+ me vakarusai kina na gagadre vakayago, me bulabula tiko ga kina vakayalo na ivavakoso ena siga ni Turaga.+
6 E sega ni vinaka na ka oni dokadokataka. Oni sa lecava ni leveni lailai ena vakatubutaka na ibuli taucoko?+
7 Biuta tani na leveni makawa, moni dua kina na ibuli vou e sega ni vakatubutaki. Ni o Karisito, na noda lami ni Lakosivia,+ sa vakacabori oti.+
8 O koya gona meda vakananuma tiko ga na soqo,+ sega ena leveni makawa, se leveni ni ivalavala ca kei na leveni ni ivakarau ca, ia ena madrai sega ni vakaleveni ni dina kei na dodonu.
9 Au vola yani ena noqu ivola moni kua ni vakailala* kei ira na dau veiyacovi tawadodonu,*
10 au sega ni tukuna tiko moni kua sara ga ni bula maliwai ira na dauveiyacovi tawadodonu* ni vuravura qo,+ se o ira na tamata kocokoco kei ira na dau kovea na ka, se o ira na dauqaravi matakau. Ke vaka kina sa na gadrevi sara ga moni biuti vuravura.+
11 Ia qo au volavola yani vei kemuni moni kua ni vakailala*+ tiko kei na dua e vakatokai me tacida e dauveiyacovi tawadodonu,* se daukocokoco,+ se dauqaravi matakau, se dauveivakasewasewani, se daumateni,+ se dau kovea+ na ka, ni kua mada ga ni kana vata kei koya.
12 Na cava meu lewai ira kina e taudaku? Vakaevei, oni sega ni lewai ira na tiko e loma,
13 ni na lewai ira e taudaku na Kalou?+ “Biuta tani na daucaka ca qori mai na kemuni maliwa.”+
iVakamacala e ra
^ Kirisi, por·neiʹa. Raica na iVakamacala ni Vosa.
^ Se “kua ni veitokani.”
^ Raica na iVakamacala ni Vosa.
^ Raica na iVakamacala ni Vosa.
^ Se “kua ni veitokani.”
^ Raica na iVakamacala ni Vosa.
