Vei Ira mai Efeso 3:1-21
3 O koya gona, o yau o Paula, au vesu tu+ ena vuku i Karisito Jisu niu kauaitaki kemuni na lewe ni veimatanitu—
2 de dua oni sa rogoca niu nuitaki+ meu vukei kemuni me yaga vei kemuni na loloma soli wale ni Kalou,
3 ni sa vakatakilai vei au na ka vuni tabu me vaka au a vola yani vakalekaleka.
4 O koya gona, ni oni wilika qo, oni na raica niu sa taura rawa na ka vuni tabu+ e baleti Karisito.
5 A sega ni vakatakilai na ka vuni qo ena veitabatamata sa oti, ia e vakatakilai vei ira na nona yapositolo yalosavasava kei ira na parofita ena veidusimaki ni yalo tabu,+
6 oya nira na veiliutaki vata kei Karisito Jisu na lewe ni veimatanitu, mera wili ena dua ga na yago,+ mera vakaivotavota vata kei keda ena vosa ni yalayala me salavata kei na itukutuku vinaka.
7 Au lesi meu italatala ni ka vuni qo ena loloma soli wale ni Kalou. E solia wale vei au na isolisoli qo me vakaraitaka kina nona kaukaua.+
8 Vei koya e lailai duadua vei ira na yalosavasava kece,+ o yau au muri tale vua. Ia au qai nuitaki ena loloma soli wale qo+ meu tukuna yani ina veimatanitu na itukutuku vinaka talei kei Karisito e sega ni katumi rawa.
9 Meu vakaraitaka tale ga vei ira na tamata na vakayacori ni ka vuni tabu+ e vunia tu mai na Kalou ena dua na gauna balavu, na Kalou e bulia na ka kece.
10 Qo me qai vakayagataka na Kalou na ivavakoso+ me vakatakila kina ena gauna qo na veibasoga ni nona vuku vei ira na matanitu kei na veiliutaki e lomalagi,+
11 me salavata kei na nona inaki tawamudu a tauyavutaka ena vuku i Karisito Jisu,+ na noda Turaga.
12 Ena vukuna, eda galala kina meda vosa, eda doudou+ tale ga meda torova na Kalou ena noda vakabauti Jisu.
13 O koya gona, au kerei kemuni moni kua ni yalolailai niu vakararawataki ena vukumuni, ni veika rarawa qori oni na vakalagilagi kina.+
14 Ena vuku ni tikina qo au tekiduru kina vua na Tamada,
15 o koya e vakayacani ira na vuvale kece e lomalagi kei vuravura,
16 au kerei koya me vaka na nona lagilagi talei, ke rawa ni vakayaloqaqataka na lomamuni+ na yalona,
17 me tiko e lomamuni na Karisito ena nomuni vakabauta kei na nomuni loloma,+ me ti sara+ na wakamuni qai dei na kena yavu,+
18 me matata kina ena nomuni vakasama, vei ira kece tale ga na yalosavasava, na raba, na balavu, na cere, kei na titobu ni ka dina,
19 moni kila tale ga na loloma i Karisito,+ na loloma e uasivia na vuku, moni qai vakasinaiti ena itovo vakalou.
20 Ia na Kalou, ena vuku ni kaukaua e dau vakaraitaka ena noda bula, ena rawa ni cakava vei keda+ na ka e uasivia sara na ka eda kerea se bau vakasamataka.+
21 O koya gona, ena vuku ni ivavakoso, ena vuku i Karisito tale ga, me vakalagilagi mada ga o koya ena itabatamata kece me tawamudu. Emeni.
