Jope 34:1-37
34 E kaya tale o Ilaiu:
2 “Dou rogoca na noqu vosa, o kemudou na vuku,Dou rogoci au, o kemudou na kila e levu na ka.
3 Ni vakatovolea na daliga na vosa e rogocaMe vaka ga ni tovolea na kakana na yame.*
4 Tou vakasamataka ga vakataki kedatou na ka e dodonu,Tou vakatulewataka ga vakataki kedatou na ka e vinaka.
5 Ni sa kaya o Jope, ‘Au donu tiko,+Na Kalou ga e bureitaka vei au na lewadodonu.+
6 Meu lasu ena ka meu lewai kina?
Sa sega ni mavo rawa na noqu mavoa, ia e sega ni dua na noqu cala.’+
7 O cei tale na tamata e vakataki Jope,O koya e gunuva na veivakalialiai me vaka na wai?
8 E veitokani voli kei ira na dau cakacalaQai vakailala kei ira na daucaka ca.+
9 Ni sa kaya, ‘E sega ni yaga vua na tamataNa nona saga me vakamarautaka na Kalou.’+
10 Dou vakarorogo gona vei au o kemudou na yalomatua:*
E sega ni rawa vua na Kalou dina me caka ca,+Me cala o koya e Kaukaua Duadua!+
11 Ena sauma na tamata me vaka ga na ka e cakava+Qai tauca vei koya na vua ni nona ivalavala.
12 E sega dina ni daucaka ca na Kalou,+E sega ni dau vakatanitaka na lewadodonu o koya e Kaukaua Duadua.+
13 O cei e biuti koya me lewa na vuravura,O cei tale ga e lesi koya ena vuravura taucoko?*
14 Ke dei na nona kauai* vei ira,Ke kumuna tale na nodra igunibula kei na nodra icegu,+
15 Era na mate vata na tamata kece,Qai suka na kawatamata ina kuvuniqele.+
16 Ke o yalomatua rogoca sara qo,Mo vakatudaliga ena ka au tukuna.
17 Vakacava, me vakatulewa o koya e cata na lewadodonu,Se o na vakalewai koya na qaqa e yalododonu?
18 O na tukuna vua e dua na tui, ‘E sega na betemu,’
Se vei ira na vakaitutu, ‘O daucaka ca’?+
19 E tiko e dua e sega ni dau tovaki ira na turagaE sega tale ga ni kauaitaki ira vakalevu na vutuniyau qai vakalailai na dravudravua,*+Nira cakacaka kece ga ni ligana.+
20 Era na mate vakasauri,+ ena lomaloma ni bogi,+Era sautaninini ra qai mate yani,Era kau laivi mada ga na qaqa, sega ga ena liga ni tamata.+
21 Ni raica na mata ni Kalou na ivalavala kece ni tamata,+E raica tale ga na nona ilakolako kece.
22 E sega na butobuto se na loaloa vavakuNa vanua era rawa ni vunitaki ira kina na dau cakacala.+
23 Ni se sega ni lokuca na Kalou e dua na gauna vua na tamataMe rairai e matana me lewai.
24 E vorolaki ira na qaqa ni sega ni gadrevi mera vaqaqaiQai biuta eso tale me kedra isosomi.+
25 Ni kila o koya na ka era cakava tiko,+E vakabalei ira tale ga ena bogi, ra qai vurumemeataki.+
26 E mokuti ira ena vuku ni nodra ca,Ena vanua e laurai levu,+
27 Nira sa sega ni muri koya tiko ga+Ra qai sega ni bau nanuma na nona ivalavala,+
28 Era vakavuna mera tagi vua na dravudravua,Me rogoca o koya na nodra tagi na vakaloloma.+
29 Ni galu na Kalou, o cei ena vakalewai koya rawa?
Ni vunia na matana, o cei ena raici koya rawa?
Se mani caka ina dua na matanitu se tamata, ena tautauvata na kena itinitini,
30 Me kua kina ni veiliutaki e dua e sega ni vakabauta na Kalou*+Se me coriti ira na tamata.
31 Ena tukuna vua na Kalou e dua,‘Au sa totogitaki, e sega ga ni dua na noqu cala,+
32 Ni vakavulica vei au na ka au sega ni raica rawa,Keu cakava e dua na cala, au na sega ni cakava tale’?
33 Vakacava, me vakaicovitaki iko o koya ena ka o vinakata ni o besetaka na nona lewa?
Mo lewa o iko, sega ni o yau.
Tukuna gona vei au na ka o kila vinaka.
34 Era na tukuna vei au na yalomatua*—Na vuku ga e rogoci au—
35 ‘E vosa tu ena lecaika o Jope,+Qai sega ni vosa vakayalomatua.’
36 Me vakatovolei mada ga o Jope* me yacova sara na kena iyalayalaNi ka e tukuna e vaka na nodra vosa na daucaka ca!
37 E kuria nona valavala ca na vakaduduile,+E vakasausau ni veibeci e matadaQai kuria nona vosataka na Kalou dina!”+
iVakamacala e ra
^ Ipe., “gadro.”
^ Ipe., “uto.”
^ Se “vuravura tawani.”
^ Ipe., “na utona.”
^ Se “turaga vei ira na lolovira.”
^ Se “vukitani.”
^ Ipe., “uto.”
^ Se rawa ni, “I tamaqu, me vakatovolei mada ga o Jope.”
