Same 135:1-21
135 Ni vakacaucautaki Ja!*
Vakacaucautaka na yaca i Jiova,Ni veivakacaucautaki, kemuni na dauveiqaravi i Jiova,+
2 Kemuni na duri tu ena vale i Jiova,Ena lomanibai ni vale ni noda Kalou.+
3 Vakacaucautaki Ja, ni vinaka o Jiova.+
Sere ena vakacaucau ina yacana, ni sa rui totoka.
4 Ni sa digitaki Jekope o Ja me nona,O Isireli me nona iyau talei.+
5 Niu sa kila vinaka ni cecere o Jiova,Na noda Turaga e cecere sara vei ira kece na vo ni kalou.+
6 O Jiova e cakava na ka kece e via cakava+Mai lomalagi kei na vuravura, ena wasawasa kei na wai titobu kece.
7 E vakavuna o koya me cabe na o* mai na iyalayala kei vuravura,E cakava na liva me tau* kina na uca,E vakaliwava na cagi mai na nona lololo.+
8 E mokuta na ulumatua ni Ijipita,Na tamata kei na manumanu.+
9 E tala yani o koya na ivakatakilakila kei na cakamana ena kemuni maliwa, i Ijipita,+Vei Fero kei ira kece na nona dauveiqaravi.+
10 E mokuta o koya e levu na matanitu+E vakamatei ira tale ga na tui qaqa+
11 —O Sioni na nodra tui na Amoraiti,+Oki na tui Pasani,+Kei na veimatanitu kece i Kenani.
12 E solia o koya na nodra qele me ivotavota,Me ivotavota vei Isireli na nona tamata.+
13 Kemuni Jiova, na yacamuni e tu ga me tawamudu.
Na kemuni rogorogo,* i Jiova, e tu ga ina itabatamata kece.+
14 Ni na totaki ira na nona tamata o Jiova,+Ena dau nanumi* ira tale ga na nona dauveiqaravi.+
15 Na nodra matakau na veimatanitu na siliva kei na koula,Na cakacaka ni liga ni tamata.+
16 E tu na gusudra, ia era sega ni vosa rawa,+Na mata, ia era sega ni rai rawa,
17 E tu na daligadra, ia era sega ni rogo rawa,E sega na icegu ni gusudra.+
18 Na tamata e buli ira ena vakataki ira ga,+Kei ira kece na vakararavi vei ira.+
19 Kemuni na mataqali i Isireli, vakacaucautaki Jiova.
Kemuni na mataqali i Eroni, vakacaucautaki Jiova.
20 Kemuni na mataqali i Livai, vakacaucautaki Jiova.+
O kemuni na rerevaki Jiova, vakacaucautaki Jiova.
21 Me vakacaucautaki mada ga o Jiova mai Saioni,+O koya e tiko e Jerusalemi.+
Vakacaucautaki Ja!+
iVakamacala e ra
^ Se “Aleluya!” Na “Ja” na ivakaleka ni yaca Jiova.
^ Se “cawa.”
^ Se rawa ni, “E kelia na ivakata ni.”
^ Se “Na yacamuni.” Ipe., “ivakananumi.”
^ Se “veivutuni ena vukudra.”
