Same 9:1-20
Vei koya na dairekita ni Mucelapeni.* Na sere i Tevita.
א [Alefa]
9 I Jiova, au na vakacaucautaki kemuni ena lomaqu taucoko,Au na tukuna na nomuni cakacaka vakatubuqoroqoro kece.+
2 Au na marau vakalevu qai reki ena vukumuni,Au na sere ena vakacaucau ina yacamuni, o kemuni sa Cecere Duadua.+
ב [Peca]
3 Nira suka na kequ meca,+Era na tarabe, ra qai mate mai matamuni.
4 Ni oni totaka na noqu cakadodonu,Oni vakataulewa ena yalododonu mai na nomuni idabedabe vakaturaga.+
ג [Kimela]
5 Oni vunauca na veimatanitu,+ qai vakarusa na daucaka ca,Oni bokoca na yacadra me tawamudu, io me tawamudu.
6 Sa vakarusai vakadua na meca,Oni cavuraka na nodra koro,Ena qai oti vakadua na kedra ivakananumi.+
ה [Ai]
7 Ia o Jiova ena lewa me tawamudu,+E vakataudeitaka ena lewadodonu na nona idabedabe vakaturaga.+
8 Ena lewa na vuravura* ena yalododonu,+Ena tauca na lewa ni yalododonu vei ira na veimatanitu.+
ו [Vau]
9 O Jiova ena ivakaruru tudei* vei ira na vakasaurarataki,+E ivakaruru tudei ena gauna ni leqa.+
10 Era na vakararavi vei kemuni o ira na kila na yacamuni,+Oni na sega vakadua ni biuti ira na vakasaqarai kemuni Jiova.+
ז [Sayini]
11 Ni sere ena vakacaucau vei Jiova, e tiko mai Saioni,Vakatakila nona cakacaka vei ira na veimatatamata.+
12 Ni nanumi ira o koya e veisausaumitaka na dra,+Ena sega ni guilecava na nodra tagi na vakararawataki.+
ח [Eca]
13 I Jiova, ni lomani au, ni raica na nodra vakararawataki au o ira na cati au,O kemuni oni vakaturi au mai na matamata ni mate,+
14 Meu rawa ni tukuna na nomuni cakacaka lagilagi ena matamata ni goneyalewa ni Saioni,+Qai marautaka vakalevu na nomuni veivakabulai.+
ט [Teca]
15 Era sa lutudromu na veimatanitu ena qara era cakava,Sa tacori na yavadra ena lawa era vunia.+
16 E kilai o Jiova ena lewa e tauca.+E coriti na daucaka ca ena cakacaka ni ligana.+Hikaioni.* (Sela)
י [Yota]
17 Era na suka ina iBulubulu* na daucaka ca,Na matanitu kece era guilecava na Kalou.
18 Ia ena sega ni guilecavi tiko ga na dravudravua,+Se me yali vakadua na nona inuinui na yalomalua.+
כ [Kafa]
19 I Jiova, ni tucake! Kua ni laiva me qaqa na tamata.
Mera lewai mada ga na veimatanitu e matamuni.+
20 I Jiova, ni vakarerei ira mada,+Mera kila na veimatanitu nira tamata ga. (Sela)
iVakamacala e ra
^ Raica na iVakamacala ni Vosa.
^ Se “na vanua vuavuaivinaka.”
^ Se “ena vanua cecere tudei.”
^ Raica na iVakamacala ni Vosa.
^ Se “Seoli,” oya na ibulubulu ni kawatamata. Raica na iVakamacala ni Vosa.
