Same 91:1-16
91 O koya ga e vakaitikotiko ena vanua vuni i koya e Cecere Duadua+Ena vakaicili ena ruku ni yaloyalo i koya e Kaukaua Duadua.+
2 Au na kaya vei Jiova: “Oni noqu ivakaruru kei na noqu idrodro,+Noqu Kalou au vakanuinui kina.”+
3 Ni na vakabulai iko o koya mai na nona icori na daubiri dai,Mai na matedewa dau veivakarusai.
4 Ena ubi* iko o koya ena lawena,Ena ruku ni tabana, o na vakaruru kina.+
Na nona yalodina+ ena isasabai vakaitamera+ qai bai ni veitaqomaki.*
5 O na sega ni rerevaka na vakadomobula ni bogi,+Se na gasau e vuka voli ena siga,+
6 Se na matedewa e yasa voli ena buto,Se na veivakarusai e dau vakacaca ena sigalevu tutu.
7 Era na bale e yasamu na le duanaudoluKei na tininaudolu ena ligamu imatau,Ia ena sega ni volekati iko yani.+
8 O na raica wale ga e matamuNi o vakadinadinataka nodra totogitaki* na daucaka ca.
9 Ni o kaya: “E noqu ivakaruru o Jiova,”O sa cakava me nomu itikotiko*+ o koya e Cecere Duadua,
10 Ena sega ni yacovi iko e dua na leqa,+Ena sega tale ga ni volekata nomu valelaca na matedewa.
11 Ni na vakaroti ira nona agilosi+ ena veika me baleti iko,Me taqomaki iko ena nomu sala kece.+
12 Era na keveti iko e ligadra,+Mo kua kina ni caqeta na vatu e yavamu.+
13 O na butuka na laione gone kei na gata uluraba,O na buturaka na laione kaukaua kei na gata levu.+
14 E kaya na Kalou: “Ni lomani au,* au na vakabulai koya.+
Au na taqomaki koya ni kila* na yacaqu.+
15 Ena kacivi au, au na qai rogo yani vua.+
Au na tiko kei koya ena gauna ni leqa.+
Au na vakabulai koya qai vakalagilagi koya.
16 Au na vakacegui koya me bula balavu,+Au na vakavuna tale ga me raica na noqu veivakabulai.”+
iVakamacala e ra
^ Se “Ena tarova me kua ni torovi yani.”
^ Se “qai bainivalu.”
^ Ipe.,“veisausaumi.”
^ Se rawa ni,“ivunivuni, ivakaruru.”
^ Ipe.,“Ni sa semati koya vei au.”
^ Se “vakatakila.”
